Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Abstract

2  

Prasanna Kumar Madala

Abstract

ସ୍ରୋତସ୍ଵିନୀ

ସ୍ରୋତସ୍ଵିନୀ

1 min
6.8K


ଅଙ୍ଗୀକାର ବଦ୍ଧ        ଶୁଭୁଅଛି ଶବ୍ଦ

      ସେହି କି ଓଁକାର ସତେ

ହୃଦୟର କଥା       ଯୁଗ ଯୁଗ ବ୍ୟଥା

      ଉଚ୍ଚାରି ଯୋଗିନୀ ମତେ ।

ତପସ୍ଵିନୀ ସାଜି      ସ୍ରୋତସ୍ଵିନୀ ଆଜି

       ହେଲାଣି ପ୍ରଖରମତ୍ତା

ପାରାବାରେ ଥରେ    ମିଶିଗଲା ପରେ

       ହଜିବ ସ୍ଵାଧୀନ ସତ୍ତା ।

ପଥର ପ୍ରତାପ        ଫଗୁଣ ସନ୍ତାପ

       ଅନ୍ତର ଯାକର ଜ୍ଵାଳା

କେତେ ଯେ ସହନ      କରିଛି ବହନ

      ହେବ ବୋଲି ଗଳାମାଳା ।

ନିଜତ୍ଵ ହଜାଇ        ବାସର ସଜାଇ

       ଅନ୍ତିମ ମିଳନ ଆଶେ

ଏକ ଲକ୍ଷ୍ୟ ନେଇ     ପ୍ରତିଘାତ ଡେଇଁ

      ଧାଏଁ ମୂଳଉତ୍ସ ପାଶେ ।

ଗୋପନରେ ଚାଲି    ଆସେ କିଏ ଖାଲି

      ହୃଦେ ରଚିବାକୁ ନୀଡ

ପୀରତି ନିଶାରେ    ଯିବି କୋ ଦିଶାରେ

      ଘେରିଛି ତ ବନ୍ଧ ହିଡ ।

ମିଳନ ରାଗରେ     ଆଜି ଏ ସାଗରେ

      ଉଠୁଛି ବାଷ୍ପୀୟ ଧୂଆଁ

କିଏ ସେ ତରସି      ଦେଇଛି ପରଶି

      ଅଜଣା ଋତୁର ଛୁଆଁ ।

ମୋ କୂଳ ଧାରରେ   କାହାର ଠାରରେ

      ଜାଗିଛି ମନରେ ଆଶା

ଚୋରା ଚୋରା ପ୍ରୀତି    ଭରିଦିଏ ନିତି

      ଓଷ୍ଠେ ଥରଥର ଭାଷା ।

ଏହି ସେ ଦୋଛକି    ଗଲିଣି ଗୋ ଥକି

      ଆଶଙ୍କା ବହୁଳ ମନ

କହିଦିଅ ଥରେ       ରଖିବ ନିଥରେ

      କରି ନିଜ ପ୍ରାଣଧନ ।

      ପ୍ରସନ୍ନ କୁମାର ମାଦଳା


Rate this content
Log in