ଭିନ୍ନ ଏକ ସ୍ୟନ୍ଦନରେ
ଭିନ୍ନ ଏକ ସ୍ୟନ୍ଦନରେ
ନେବାର ନାହିଁ ଦେବାର ନାହିଁ
ଯିବାର କାହିଁ କ୍ରନ୍ଦନରେ;
ଏକା ମୁଁ ଦିନେ ଯିବି ସେ ସ୍ଥାନେ
ଭିନ୍ନ ଏକ ସ୍ୟନ୍ଦନରେ ॥୧
ଟଳିବି ନାହିଁ, ଜଳିବି ନାହିଁ
ଆଶ୍ଳେଷର ଇନ୍ଧନରେ,;
ଗନ୍ଧ ପାଇଁ ନ ଯିବି ଧାଇଁ
ପନ୍ନଗର ଚନ୍ଦନରେ ॥୨॥
ଦନ୍ଦଶୂକ କ୍ରନ୍ଦ‐ମୂକ
ଅନ୍ଧକୂପ ନ ଯିବି ଆଉ,
ମିଥ୍ୟା ହୄଦ ସ୍ପନ୍ଦନର
ବନ୍ଧ ତୁମ ସେତିକି ଥାଉ ॥୩
ଶଙ୍କାଶିତ ଖର୍ବଶାଖ
କର୍ବ ତୁମ ଯତ୍ନେ ରଖ,
ପ୍ରଦ୍ଯୋତନେ ଦୄଷ୍ଟିହୀନ:
ମୁଁ ନୁହେଁ ସେହି ଶାର୍ବରିକ ॥୪
ଗଲାଣି ଲୁଚି ଥିଲା ଯା ରୁଚି
ବ୍ୟଞ୍ଜନର ରନ୍ଧନରେ'
ଆଉ ମୁଁ ଯାଇ ପଡିବି ନାହିଁ
ମିଥ୍ୟା ତୁମ ବନ୍ଧନରେ ॥୫
ଉବ୍ଜ ରୁହ କୁବ୍ଜ ହୁଅ
ଅଜ୍ଞାତର ବନ୍ଦନରେ;
ଶଙ୍ଖ ମୋର ବାଜିବ ଘୋର
ଅଦ୍ଭୂଚ ମୋ ସ୍ଯନ୍ଦନରେ ॥୬
*ଲଲାଟେନ୍ଦୁ କବି*
*୨୦୧୮୦୫୧୮୧୩୨୧*
{ ସ୍ୟନ୍ଦନ= chariot, ରଥ; ଆଶ୍ଳେଷ= embrace; ଆଲିଙ୍ଗନ; ପନ୍ନଗ= snake, ସର୍ପ; ଦନ୍ଦଶୂକ= snake ସର୍ପ; କ୍ରନ୍ଦ=cry, କ୍ରନ୍ଦନ; ବନ୍ଧ= pack, ସମ୍ଫୁଟ, ପୁଟୁଳା; (ଶଙ୍କାଶିତ) :— ଅଶିତ= fed (with), ଖାଦିତ; ଖର୍ବଶାଖ= dwarf, ବାମନ, କ୍ଷୁଦ୍ର; କର୍ବ= love, ପ୍ରେମ; ପ୍ରଦ୍ଯୋତନ= ray, ରଶ୍ମି; ଶାର୍ବରିକ= nocturnal,ନୈଶ; ବ୍ୟଞ୍ଜନ= curry, ତରକାରୀ (ସ୍ୱାଦ); ଉବ୍ଜ= bent, ନମିତ; କୁବ୍ଜ= hunchback,କୁଜା}