ମାଝି ରେ...
ମାଝି ରେ...
ମାଝିରେ...
ଆଭାକାନ୍ତ ମହାନ୍ତି
ମାଝିରେ...
ତୁ ଅଝାଲ ବାନ୍ଧିଦେ ଟାଣି
ଉତ୍ତର ମୁଣ୍ଡରେ ମୁଣ୍ଡେଇଛି ମେଘ
ବରଷିବ ଦୁମୁକାଣି । ୦ ।
ବାଆଟା ଯେବେ ରେ ବାଇଆ ହୋଇବ
ହଜିଯିବ ବୁଦ୍ଧି ବାଟ
ଜଲଦି ଜଲଦି ଆହୁଲା ମାରୁଥା
ପହଞ୍ଚି ଧରିବୁ ଘାଟ
ମାଝିରେ...
ଆକଟରେ କାତ କତିରେ ରଖିଥା
ମାରିବୁ ତୁ ବେଳ ଜାଣି । ୧ ।
ଢାଉଆ ଆକାଶ ଦେଖିଦେଲେ ଢେଉ
ହେବ ମନମତାଣିଆ
ମାନିବନି ବୋଲ ସେ'ବେଳେ କାହାର
ହେବ ଖାଲି ଅମାନିଆଁ
ମାଝି ରେ...
ଦରିଆ ତା ଦମ୍ଭ ନିଶ୍ଚେ ଦେଖାଇବ
ଜୁଆରେ ଜାରି ଉଜାଣି । ୨ ।
ମଙ୍ଗ ମଙ୍ଗଳାଙ୍କୁ ମନରେ ଚିନ୍ତୁଥା
ମାଆହିଁ ହୋଇବ ସାହା
ନ ହେବୁ ହତାଶ ପାଇବୁ ସାହସ
ଭରସିଥା ତା'ର ବାହା
ମାଝି ରେ...
କଟିଯିବ ଭୟ ମନ ହେବ ଥୟ
ବାହୁଡ଼ା ବେଳ ହେଲାଣି । ୩ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****