ରଖ ନାଆଁରେ

କୁନା ମନେ ମନେ ବିଗିଡ଼ି

ଧାଇଁଲା ଲାଗୁ ଲାଗୁ ଗାଡ଼ି ।

ବ୍ୟାଗ ବୋତଲକୁ ଫୋପାଡ଼ି

ମମି ମମି ଛାଡ଼ିଲା ରଡ଼ି ।

ସବୁବେଳେ କହୁଛୁ ପଢ଼

ଇଂରାଜୀର ଜୀବନ ଗଢ଼ ।

ସାରାଦିନ ଟିଉସନରେ

ବୋଝେଇ ବ୍ୟାଗ ହାତରେ ।

ଦିନେ ନଧରି ବଲବ୍ୟାଟ୍‌,

ସ୍ପୋର୍ଟସ ଦିବସେ ଉଇକେଟ୍‌ ।

ନେଇପାରିନି ଲଜ୍ଜାକର

ଏଥି କି ଅଛି ପ୍ରତିକାର ।

ଅଙ୍କଲ ସାନପୁଅ ଭାଇ

ମ୍ୟାନ୍‌ ଅଫ୍‌ ଦି ମ୍ୟାଚ ହୋଇ।

ମୋ ପରି ନୁହେଁ ଫିଟ୍‌ଫାଟ

ଚଟାପଟ ବଲବ୍ୟାଟ୍‌ ।

ଧରିପିଚରେ ହେଲେ ଠିଆ

ଡରିଯାଆନ୍ତି ବିପକ୍ଷିଆ ।

ପାଠରେ ପଛୁଆ ଖେଳାଳି

ତା’ ପାଇଁ ସ୍କୁଲରେ ଗହଳି ।

ଭାରତ ପାଇଁ ଖେଳିବ

ମୋ ପାଇଁ ଏଯୋଗ ମିଳିବ ।

ଶୁଣି ମା’ କହିଲେ କୁନାରେ

ପଢ଼ି ପାଠ ରଖ ନାଆଁରେ ।

ଯେବେ ହେବୁ ଏକ ନମ୍ବର

ସରବେ କରିବେ ଆଦର ।

ଖେଳ ଅବା ପାଠପଢ଼ାରେ

ଏକ ନମ୍ବର ହୋଇପାରେ ।

ଯଶ ତା’ ପାଇଁ ଅସୁମାରି

ଦର୍ଶକ ସର୍ବେ ତାଳିମାରି ।

ଦ୍ୟନ୍ତି ଆଶୀଷ ଗୁରୁଜନ

ସୁଖ ସମ୍ମାନ ଅରଜନ ।

ପାଠ ଖେଳ ଏକ ସାଥୀରେ

କରି ରଖ ନାମ ପୃଥିୀରେ ।