ଜନ୍ମଦିନର ରଙ୍ଗ

ସୋନୁ ବାବାଙ୍କ ଜନ୍ମ ଦିନ

ଅବସରରେ ସୋନୁଙ୍କୁ ଅର୍ପିତ..

.....

ଉତୁଲୁ ପୁତୁଲୁ ଦୁଇ ମୋ ନାତି,

ଫୁସୁରୁ ଫାସର ହୁଅନ୍ତି ଅତି ।

ବଡଟି ରାହୁଲ ଭାରି ଗେଲ୍ଲୀଆ,

ସିତୁଲ,ସାନ ସେ ମାଆ ପଖିଆ ।

ସୋନୁ ଆସିଗଲା ଘୋଡାରେ ବସି,

ମଉଜ କରିଲେ ତିନିହେଁ ମିଶି ।

ଅଜା ବୁଢାକୁ ବା କିଏ ପଚାରେ,

ବିଚରା ବୁଢ଼ାଟି ଠିଆ ବାହାରେ ।

ପାଟି ଶୁଭୁଥିଲା ଘର ଭିତରୁ ,

ସତେକି ବାଜୁଛି ଶଙ୍ଖ ମନ୍ଦିରୁ ।

ଧୀରେ ଧୀରେ ଅଜା ଗଲେ ଭିତର,

ଘର ନୁହେଁ ତାହା, କୁନି ମନ୍ଦିର ।

ମନ୍ଦିର ଭିତରେ ସୋନୁ ଆମର,

ହସୁଛି,ସତେକି ରାଜକୁମାର ।

ରାଜକୁମାରଙ୍କ ଜନମ ଦିନ

ଚାଲିଛି ଖୁସିରେ ବନ୍ଧୁ ମିଳନ ।

ରଙ୍ଗ ବେରଙ୍ଗର ଆଲୁଅ ବତୀ,

ପିଠା ପଣା କେତେ ଜାତିକି ଜାତି ।

ମମି ପାପା ସଙ୍ଗେ ସାମିଲ ଅଜା,

ଜନମ ଦିନର ନିଅନ୍ତି ମଜା ।

ବାବା ସୋନୁ, ତୁମ ହେଉ ମଙ୍ଗଳ,

ଜନମ ଦିନଟି ହେଉ ସଫଳ ।

ଖୁସିରେ ମଉଜରେ ବିତୁ ବରଷ,

କୋଟି ପରମାୟୁ ହେଉ ଆୟୁଷ ।

ମମି ପାପାଙ୍କର ସୁଯୋଗ୍ୟ ହୁଅ,

ସାରା ଜଗତରେ ନାଁ କମାଅ ।

ହୃଷୀକେଶ ଶତପଥୀ

ରାଉରକେଲା