ଜୀବନର ଚାରି ଦିଗ

ଜୀବନର ଚାରି ଦିଗ

ଜୀବନର ଚାରି ଦିଗ,

ଛଳନା ଆଉ ଯନ୍ତ୍ରଣାର ଦିଗ୍ଗବଳୟ,

ପାଷାଣୀ କୋହର ଲହଡିମାଳ,

ଦୁଃଖସାଗରର ବେଳାତଟରେ

ମୁଣ୍ଡ ପିଟିପିଟି ଫେରିଆସେ,

ଲୁହସବୁ ଧାରା ଶ୍ରାବଣ ପରି ଝରିଯାଏ ।

 

ଜୀବନର ଚାରି ଦିଗ,

ପ୍ରେମ, ପ୍ରତାରଣା ଆଉ ବିରହର ବତୀଘର,

ପଥିକଟେ ଆଜି ବାଟବଣା,

କେଉଁଆଡେ ବା ଯିବ ?

ଉତ୍ତରକୁ ?

ଯେଉଁଠି କିଛି ବି ପ୍ରଶ୍ନର ଉତ୍ତର ମିଳେନା,

ନା ଦକ୍ଷିଣକୁ ?

ଯେଉଁଠି କପଟ, ଛଳନା, ନିନ୍ଦା ଆଉ ଅପମାନର ଦଣ୍ଡ ମିଳେ,

ନା ପୂର୍ବକୁ ?

ଯେଉଁଠି ପୁରୁଣା ସ୍ମୃତି ମିଶା ଅତୀତର ଅଙ୍କ କଷାକଷି ଚାଲେ,

ନା ସେଇ ପଶ୍ଚିମକୁ ?

ଯେଉଁଠି ପଦଟିଏ ଆଶ୍ୱାସନା ଦେବାକୁ ବି କେହି ନଥାଏ ।

 

ଜୀବନର ଚାରି ଦିଗ,

ଛଳନା, ପ୍ରତାରଣା, ନିନ୍ଦା, ଅପମାନ ଆଉ ବିରହର ଯନ୍ତ୍ରଣାରେ ଜର୍ଜରିତ  ।

 

 

By-Trupti Paikaray