ସାଙ୍ଗ
ସାଙ୍ଗ
ଏବେ କାହିଁକି କେଜାଣି
ଭାରି ମନେ ପଡେ
ସ୍କୁଲ କଥା ସ୍କୁଲ ସାଙ୍ଗ କଥା
ମୋ ଝିଅ ଏବେ ସ୍କୁଲ ଯାଉଛି
କେମିତି କଟିଲା ସ୍କୁଲରେ ଆଜି ଦିନ ପଚାରିଲେ
କହୁଛି ମାମା ଏବେ ଆଉ
ତମବେଳ କଥା ନାହିଁ
ମୋ ପାଠ ପଢା ଠିକ୍ ଚାଲିଛି
ଏକ୍ଜାମ୍ ରେ ବି ଭଲ ମାର୍କ ରଖୁଛି
ସ୍କୁଲରେ ଆଜି ଏନଭାରନମେଣ୍ଟ ଡେ
ସେଲିବ୍ରେଟ୍ ହେଲା
ଆମ ହାଉସକୁ ଏନଭାରନମେଣ୍ଟ ଫ୍ରେଣ୍ଡ
ଆଓ୍ଵାର୍ଡ ମିଳିଲା ।
ଫାମିଲି ହ୍ଵାଟ୍ସଆପ ଗ୍ରୁପରେ
ପିକ୍ ସେୟାର କରିଛି
ଦେଖିନବ ଡିଟେଲ୍
ସାମ୍ ଘରକୁ ବାର୍ଥ୍ ଡେ ପାର୍ଟିକୁ ଯାଉଛି ।
ସତରେ କେତେ ବଦଳିଗଲା ସମୟ
ସାଙ୍ଗ ମାନେ ଖାଲି
ପାର୍ଟିକୁ ନେଇ ଚର୍ଚ୍ଚାର ବିଷୟ
ସୌମ୍ୟା ସାମ୍ ହେଲାଣି
ବବିତା ବେବ୍ ହେଲାଣି
ସାଙ୍ଗ ପରିସୀମା ବଦଳି ଗଲାଣି ।
କି ମଧୁର ଥିଲା ସେ ସମୟ
ସାଙ୍ଗ ମାନଙ୍କୁ ନେଇ ଥିଲା ପରିଚୟ
ସ୍ଵାତୀ ଇତି ଜୁଲି ମିଲି ପୁଷ୍ପିତା
ଲୋପା ଦୀପା ଲିପି ଆଉ ଅର୍ପିତା
ପଛ ବେଞ୍ଚର ସେ ମଜା
ଗୌରୀର ତୁ ତୁ ତୁ ତାରା ଗୀତ
ସାଙ୍ଗକୁ ପୁଡିଆରେ ବାରମଜା
ମାମା ସାଙ୍ଗେ ସିକ୍ରେଟ୍ ସେୟାର
ହୋ ହଲା କରି ସାରଙ୍କ ହାତେ ଧରା ପଡିଲେ
କାନ୍ଥରେ ବସୁ ଚେୟାର ।
କାନ ଧରାଧରି ହେଇ ବସ ଉଠ
ବେଳେ ବେଳେ ସାରଙ୍କ ଛାଟ
ସାଙ୍ଗ ମାନଙ୍କ ସହ ଗପିବାରେ
ଦେଇ ପାରେନି ବାଧା
ପାଠ ଓ ଗପ ଚାଲେ ଅଧାଅଧା ।
ଏମିତି କେତେ କଥା ସ୍ମୃତି ହୋଇ ରହିଛି
ବେଳେ ବେଳେ ଚଳଚ୍ଚିତ୍ର ପରି
ଆଖି ଆଗକୁ ଆସୁଛି
ହାଏ ବାଏ ର ସବୁ ଏବେ ସାଙ୍ଗ
ବୁଝି ପାରିବେନି
ସେ ସବୁ ଦିନକୁ
ଜୀବନ ଥିବା ଯାଏ
ହୃଦୟ ସାଇତି ଥିବ ସେ ସ୍ମୃତିକୁ ।।