ସମର୍ପଣ

କେଉଁ ଅଭିମାନ ଅଭିଯୋଗ ଆଉ

କରିବି ତୋତେ ଗୋସାଇଁ

ସବୁ ଦେଲା ପରେ କେ ମୁଖେ କହିବି

କିଛି ମୋତେ ଦେଲ ନାହିଁ..!

ଦୁଃଖ ଅନଳରେ ଜଳୁଥିଲି ଯେବେ

ସୁଖ ବାରି ଦେଲ ଝାରି 

ସଂସାର ଜଞ୍ଜାଳେ ଘାଣ୍ଟି ହେଲି ବୋଲି

ନେଲ ପୁଣି କୋଳ କରି..!

ଖୋଲା ମନ ନେଇ ଉଡିବି ଚାହିଁଲି

ଆକାଶଟା ଦେଲ ମେଲି

ସରଗ ଅମୃତ ମର୍ତ୍ତ୍ୟେ ଚାଖିବାକୁ 

ତୁମ୍ଭ ନାମ ଦେଲ ଖୋଲି..!

ରାଗିଲେ ରୁଷିଲେ ଗାଳିକଲେ ତୋତେ

ଆହା କରିବୁ କି ସତେ

ଏତେ ବି ଅବୁଝା ନୁହେଁ ମୁଁ କହ୍ନେଇ 

ବୋକା ବନେଇବୁ ମୋତେ..!

ନନ୍ଦନବନ'ର ପାରିଜାତ କିବା 

ତୋ ଛଡା ଫୁଲଠୁ ଶ୍ରେଷ୍ଠ 

ତା' ସୌନ୍ଦର୍ଯ୍ୟ ଲୋଭେ ତୁମ ସଙ୍ଗ ଛାଡି 

ହୋଇଯିବି ପଥଭ୍ରଷ୍ଟ..!?

କେଉଁ ସରଗ'ର ସୁଖ ଲୋଡାନାହିଁ 

ତୁମେ ଥିଲେ ସାଥେ ମୋର

ତୁମେ ମୋର ସଖା ତୁମେ ମୋର ସ୍ୱାମୀ 

ତୁମେ ହିଁ ସାରା ସଂସାର..!

କିଛି ଜାଣେ ନାହିଁ ଏତିକି ଜାଣିଛି 

ତୋ ପାଖେ ସବୁ ଉତ୍ତର 

ମୁଁ ତୋର ଦାସ ତୋ ପାଦ ସେବକ

ସମର୍ପିତ ପ୍ରାଣ ମୋର..!