ସନେଟ -୬୦
ସନେଟ -୬୦
ଆଉ କି ଦେଖିବ
କବିସୌରଭ ଅନୁପ ସିଂହ ଦେବ
ରାଜା ଖଡ଼ିଆଳ
ମମ ଆଶା-ପ୍ରଦୀପରେ ଢାଳିଥିଲା ତୈଳ
ଶାନ୍ତି,ଭକ୍ତି,ଅହିଂସାର ମହାଭକ୍ତକର ।।
ଧ୍ବାନ୍ତ ପୂର୍ଣ୍ଣ ଚିତ୍ତ-ଗୃହେ ସତ୍ୟର ଆଲୋକ -
ମଙ୍ଗଳେ ଜଳିବ,ମୁଦେ ଜନ୍ମିଲା ପୁଲକ ।।
ସ୍ୱାଧୀନତା-ଅଗ୍ନି କାଠି ମାରି ଜାଳି ଦେଲା -
ସଳିତାକୁ,ନିଶିଥରେ ସେହି ଧର୍ମାବଳା ।।
ପ୍ରଫୁଲ୍ଲିତ ହେଲା ମନ,ହର୍ଷ ଆଲିଙ୍ଗନେ
ହସେ ଯଥା ପୁଷ୍ପ କଢ଼ି ମଳୟ ସ୍ପର୍ଶନେ ।।
କିନ୍ତୁ !ହାୟ ଲିଭିଗଲା ଚାହୁଁ ଚାହୁଁ ଆଜି
ବିଶ୍ବସ୍ତା ବ୍ରାହ୍ମୀ କୁପ୍ରେକ୍ଷା - ପ୍ରଭଞ୍ଜନ ବାଜି ।।
ଦ୍ୟୁତି ଭରା ହୃଦପୁରେ ଭୀମରୂପ ଧରି
ନୈରାଶ୍ୟ-ତମ ଗ୍ରାସିଛି,ସୂରେ ରାହୁପରି ।।
ଦିଷ୍ଟ-ଦର୍ଶନ ଆଉ କି ସେ କାନ୍ତି ଦେଖିବ ?
ଯାଇଛି ଚାଲି ସେ ପୁରେ ଶକ୍ତିଷ୍ଠ ବିଭବ ।।
ସମାପ୍ତ