ଛତା
ଛତା
1 min
6.6K
ଏକ ସମୟରେ ଭେଟ
ଏକ ରାସ୍ତାରେ ଚାଲି
ଏକ ଦିଗରେ ।
ପ୍ରାୟତଃ ବର୍ଷା ହୁଏ
ଭିଜିଯାଏ ଦେହ
ଛତା ଥାଇ ବି ଦେହରେ
ଜଡିଯାଏ ଶାଢି,
ତୁମେ ଛତାତଳେ ଚୁପ୍ ଚାପ୍
ମୁଁ ବି ବର୍ଷାରେ ବର୍ଷାରେ ଚୁପ୍
ବାଟ ଯେତେ ଲମ୍ବିଯାଉ
କାହିଁ ଜମା ଖରାପ ଲାଗେନା ।
ଦିନେ ଛତାକୁ ଡାକିଲ
ଚୁପ୍ ଚାପ୍ ଗଲି ‐ ମନାକଲିନି ।
ଗୋଟେ ଛତା ତଳେ
ଦୁଇଟି ଦେହ
କାହିଁ ବେଶି ବେଶି ଭିଜିଲି
ଏ ବି ମନ୍ଦ ହେଲାନି !
ଭଦ୍ରତା ଖାତିର୍ ରେ
ମୋତେ ସବୁଦିନ ଡାକୁଛ ଛତାକୁ ।
ତୁମେ ଠିକ୍ ଜାଣିଛ
ମୁଁ ଛତା କିଣିବା ମତଲବ୍ ରେ ନାହିଁ,
କାହିଁକି କିଣନ୍ତି ଯେ
ମୁଁ ତ ଠିକ୍ ଜାଣିଛି
ତୁମର ସେ ଛତା
ତାଳିପଡୁ ପଛେ
ଆଦୌ ବଦଳିବାର ନାହିଁ !
ମୂଲଚାଲ ‐ କିଣା ‐ ବିକା ଛତାରେ
କ'ଣ ଭିଜେଇହୁଏ ଦେହ !
×××