ମିଛ ଦୁନିଆ
ମିଛ ଦୁନିଆ
1 min
7.4K
ଯାହା ତୁ କରୁଛୁ କରରେ ମଣିଷ
ଯେମିତି କରୁଛ କର,
ଚକାଆଖି ସବୁ ହିସାବ ରଖିଛି
ହିସାବ କରିବ ତୋର ।
ଅନୀତି ପଛରେ ରହି କେତେ କେତେ
କରୁଛୁ ପାପତ ତୁହିଁ,
ସ୍ନେହ ପାପ ଦିନେ ଭୋଗିବୁ ଜଗତେ
ପାଖେ ନ ଥିବେ ରେ କେହି ।
ମିଛ ଦୁନିଆରେ ଯାହା ତୁ ଭାବୁଛୁ
ସବୁ କଣ ପାଖେ ଥିବ,
ମିଛ ଦୁନିଆରେ କିଏ ବା କାହାର
ଆପଣାର ବୋଲି ହେବ ।
ମିଛର ଲୋକ ତ ପ୍ରଚୁର ଅଛନ୍ତି
ଏହି ଅନ୍ଧକାରମୟେ,
ସବୁ ଜିନିଷକୁ ନିଜର ଭାବନ୍ତି
ଜାଣନ୍ତିନି ଶୂନ୍ୟ କାୟେ ।
କେହି ରହିବେନି ପାଖରେ ତୋହର
ଦିନେ ଯିବେ ତୋତେ ଛାଡ଼ି,
ଦେଖେଇ ହଉଛୁ ନିଜର ଯାହାକୁ
କାନ୍ଦିବୁ ତୁ ମୁଣ୍ଡ କୋଡ଼ି ।।
◆ କେ.ନିର୍ମଳ
◆ ଭଦ୍ରକ, ବାସୁଦେବପୁର (ଜଗନ୍ନାଥି)
◆ nirmaln270@gmail.com