ପ୍ରାପ୍ତି
ପ୍ରାପ୍ତି
ଯହିଁ ଅଛି ସ୍ଥିତି ତହିଁ ଅଛି ପ୍ରାପ୍ତି କ୍ଷୀର ସଙ୍ଗେ ନୀର ପରି
ବିଚିତ୍ର ବିନ୍ଧାଣୀ ଗଢି ଅଛି ଜାଣି ହୃଦରେ ବିଚାର କରି ।
ଜୀବ କର୍ମଫଳେ ତା' ଜୀବନ ଢାଳେ ବିଧି ପ୍ରାପ୍ତି ରୂପରେଖା
ପ୍ରାପ୍ତି ଆଶା ଖାଲି ମାନବକୁ ତୋଳି କରେ ସାମାଜିକ ଚଖା ।
ପ୍ରାପ୍ତି ରଚେ ସୁଖ-ଦୁଃଖ ସାଂସାରୀକ ବିଚାର କି ଅବିଚାର
ପ୍ରାପ୍ତି ହିଁ ରଚଇ ଜୀବ ହୃଦ ଧ୍ୟାୟୀ ଉନ୍ନତିର ସିଉକାର ।
ପ୍ରାପ୍ତି ରଚେ ଦମ୍ଭ ଭୟର ଆରମ୍ଭ ପ୍ରାପ୍ତି ଯୋଗୁହିଁ ସମ୍ଭବ
ନାନା ରୂପେ ସିନା ଉତ୍ତୁଙ୍ଗ କଳ୍ପନା ହୁଏ ପ୍ରାପ୍ତି ପ୍ରତିବିମ୍ବ ।
ଜୀବ ପ୍ରାପ୍ତି ଆଶା ପରମର ଦିଶା ଧରି ସାର୍ଥକତା ପାଏ
ଅନ୍ୟଥା ଆହରି ସଂସାର ଭଉଁରୀ ଛୁଇଁ , ଚକ୍ରବତ୍ ହୁଏ ।
ବିଖଣ୍ଡିତ ଜାତି ଦୁଇଭାଗେ ପ୍ରାପ୍ତି ଆସ୍ତି ଆଉ ନାସ୍ତି ଭାବ
ଆସ୍ତି ଲାଭାନ୍ବିତ ନାସ୍ତିରେ ରହିତ କର୍ମଫଳ ବଇଭବ ।