ଭିକାରିର ମନ ଦେଲୁରେ କାଳିଆ
ଭିକାରିର ମନ ଦେଲୁରେ କାଳିଆ
ଭିକାରିର ମନ ଦେଲୁରେ କାଳିଆ
ପର୍ଶୁରାମ ବିଶ୍ୱାଳ
ଭିକାରିର ମନ ଦେଲୁରେ କାଳିଆ, ଖଟିବାକୁ ନାହିଁ ମନ
ଶହେ ଚାରି ଜର ମାଡ଼ିଆସୁଅଛି, କରିବାକୁ ହେଲେ କାମ
ଇମିତି ମଣିଷ କିମିତି ଗଢ଼ିଲୁ
କହରେ ଚକାନୟନ !
ମାଗଣା ମାଗଣା ସବୁ ମିଳିଯାନ୍ତା, ଖାଉଥାନ୍ତି ବସି ବସି
ମୋବାଇଲ୍, ଗାଡ଼ି, ଘୋଡ଼ା, ଜମି, ଘର ମିଳନ୍ତା ହୁଅନ୍ତି ଖୁସି
ଏଇ କଥା ଭାବି ବେଳ ଯାଏ ଗଡ଼ି
କାମରେ ନାହିଁ ମୋ ଧ୍ୟାନ ।
ଯୋଗକୁ ସର୍କାର ଯୋଗେଇ ଦେଇଚି ମାଗଣାରେ କେତେ କ’ଣ
ବାକି ଆଉ କିଛି ଦେଇଦେଲେ ପ୍ରଭୁ ଅଚିନ୍ତା ହବ ଏ ପ୍ରାଣ
ଶତ ଧନ୍ୟବାଦ ତୁ ଉପରବାଲା
ଇଏ ସବୁ ତୋର ଦାନ ।
ଭୁଲ୍ ଏସବୁ ଆଜି ମୁଁ ବୁଝୁଚି, କାମ ନକରି ପାଉଣା
ଅଳସୁଆ ହେଲି, ଅକର୍ମା ମୁଁ ହେଲି, ହେଲିରେ ମୁଁ ବାଟବଣା
ଭବିଷ୍ୟ ଦାୟାଦ ମୋ ବାଟ ଧରି
ଫଳଟି ପାଇବେ ଶୂନ ।
ବୁଝେଇ କହିଦେ ଛାଡୁ ସରକାର ତା’ର ଏଇ ଦାନ ନୀତି
ଖଟିବେନି ଆଉ ତା ଯୁବସମାଜ, ଭୋଅଟରେ ଥିବେ ମାତି
ଜାପାନୀ ଜାତିର ଜାତୀୟତା କଥା
ସିଲଟେ ଗାର ସମାନ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****