ବାହୁଡ଼ା ଯାତ
ବାହୁଡ଼ା ଯାତ
1 min
6.5K
ରମେଶ କୁମାର ସାହୁ
ନଅଦିନ ହେଲା ମାଉସୀ ମା’ ଘରେ ,
ରହିଛନ୍ତି ଜଗନ୍ନାଥ ,
ଗୁଣ୍ଡିଚା ମନ୍ଦିରୁ ଶ୍ରୀମନ୍ଦିର ଯିବେ ,
ଆଜିତ ବାହୁଡ଼ା ଯାତ ।
ଲକ୍ଷ ଲକ୍ଷ ଭକ୍ତ ଏକତ୍ର ହେଲେଣି ,
ଦେଖିବେ ବାହୁଡ଼ା ଯାତ ,
ଭାଇ ଭଉଣୀଙ୍କୁ ସାଥିରେ ନେଇ ,
ଫେରୁଛନ୍ତି ଜଗନ୍ନାଥ ।
ଭକ୍ତ ଦାସିଆର ନଡ଼ିଆ ନେବାକୁ ,
ବଢାଇବେ ପ୍ରଭୁ ହାତ ,
ବଳିଆ ରଥରେ ବିଜେ ହେବା ପାଇଁ ,
ବାଙ୍କି ଯିବେ ଜଗନ୍ନାଥ ।
ବଡ଼ଦାଣ୍ଡ ଆଜି ପଡୁଛି ଉଠୁଛି ,
ଦେଖି ତିନିଗୋଟି ରଥ ,
କିଏ ଭକ୍ତ ରଥ ଦଉଡ଼ି ଟାଣୁଛି ,
କିଏ ଗାଉଛି ପ୍ରଭୁଙ୍କ ଗୀତ ।
ଏକାଦଶୀରେ ପ୍ରଭୁ ସୁନାବେଶ ହେବେ ,
ଭକ୍ତଙ୍କ ଦର୍ଶନ ପାଇଁ ,
ଦ୍ୱାଦଶୀ ତିଥିରେ ଶ୍ରୀମନ୍ଦିର ଯିବେ ,
ଭାଇ ଭଉଣୀଙ୍କୁ ସଙ୍ଗେ ନେଇ ।