Audio

Forum

Read

Contests

Language


Write

Sign in
Wohoo!,
Dear user,
ଚୁମ୍ବନର ରଙ୍ଗ
ଚୁମ୍ବନର ରଙ୍ଗ
★★★★★

© Neelima Nivedita Behera

Others Romance

1 Minutes   6.7K    9


Content Ranking


ଚୁମ୍ବନର ରଙ୍ଗ ଖୋଜୁ ଖୋଜୁ

ପହଞ୍ଚିଲି ଯାଇ

କ୍ଷତାକ୍ତ ଏକ ହୃଦୟ ପାଖରେ

ବେହିସାବୀ ଗୋଟେ ମତୁଆଲାର

ଟଳମଳ ହଳେ ଓଠ ପାଖରେ...

ସମାନ ସେଇ ନାଲି ରଙ୍ଗ !

ତୃଷାର୍ତ୍ତ ଚଞ୍ଚୁ, କ୍ଷତରୁ ଧାରଧାର ବହୁଥିବା ରକ୍ତ ଓ

ବୈଶାଖ କରାଘାତରେ ଫୁଟିଥିବା କୃଷ୍ଣଚୂଡ଼ାର ପାଖୁଡ଼ା

ସବୁଠି ସେଇ

ଦାଉଦାଉ ଏକା ନାଲି ରଙ୍ଗ !


ଭଙ୍ଗୁର ଅଶ୍ରୁରେ ମିଶିଲାବେଳେ

ସେଇ ନାଲି ରଙ୍ଗ କିନ୍ତୁ

ପାଲଟୁଥିଲା ପାଟଳ

ଆଖିରେ ଆଞ୍ଜୁଳାଏ ଲୁହ ଧରି

କୋଇଲିର ସ୍ଵର

ଶୁଭୁଥିଲା ମୋତେ ଛଳଛଳ ।

ଚୁମ୍ବନର ରଙ୍ଗ ଖୋଜୁ ଖୋଜୁ

ପହଞ୍ଚିଥିଲି ଏକ

ଦାରୁଣ ବର୍ଷା ରାତିର ଅନ୍ଧାର ପାଖରେ

ନିର୍ଭୀକ ପ୍ରସାରିତ ଆକାଶର

ନିରବଧି ନିବିଡ଼ ଗୋଟିଏ ଆଶ୍ଳେଷରେ...

ସେତେବେଳକୁ

ଫିକା ପଡ଼ିସାରିଥିଲା

ପୁରୁଣା ନାଲି ରଙ୍ଗର ଗାଢତା

ବଦଳି ସାରିଥିଲା

ପ୍ରେମ ଋତୁ, ହଜିଲା ଦ୍ଵିପ୍ରହର, ହସୁଥିବା ସବୁଜ ପତର

ଇତିରେ, ସନ୍ଧାନର ତମାମ୍ ରଙ୍ଗ।

ଚୁମ୍ବନର ରଙ୍ଗ ହୃଦୟ କୋଇଲି

Rate the content


Originality
Flow
Language
Cover design

Comments

Post


Some text some message..