ବର୍ଷା ବିଳାସ
ବର୍ଷା ବିଳାସ
1 min
12.7K
ବର୍ଷା ବିଳାସ
ମାନମୟୀ ରଥ
ତୁ ବୁଝିବାକୁ ଚାହିଁବୁକି
ଦିନେ କେବେ ତୋ ରକ୍ତରୁ ଶ୍ୟାମଳ ନେଇ
ମୋ ପାଖକୁ ଶ୍ରାବଣ ଆସିଲା !
ପ୍ରଥମ ଦିନରେ ଛାଇଗଲା
ମହ ମହ କଦମ୍ବର ରାସ
ଶିହରାଇ ସଂଚିତ ବିଶ୍ୱାସ ।
ଦ୍ୱିତୀୟ ଦିନରେ ଖୋଲିଗଲା
ନୀଳରଙ୍ଗର ପ୍ରଶସ୍ତ କୋଠରୀ
ଫର୍ଦ୍ଦ ଫର୍ଦ୍ଦ ମେଘର ପାଚେରୀ ଥିଲା
ଥିଲା ବି ଇନ୍ଦ୍ରଧନୁ , ବିଶ୍ୱସ୍ତ ପ୍ରହରୀ ।
ତୃତୀୟ ଦିନରେ ବହିଗଲା
ପ୍ରଳୟ ପବନ
ଭଙ୍ଗାଇ କୋଠରୀ ଆଉ
ସ୍ଵପ୍ନାରୂଢ଼ ମନ ।
ସୁଅରେ ଭସାଇ ନେଲା ଖଣ୍ଡ ଖଣ୍ଡ କରି
କେବେ ପୁଣି ଫେରେଇଲା
ମାଟି , ପାଣି , ଆକାଶରୁ
କରି ଭିନ୍ନ ,ଭିନ୍ନ ।
ତୁ ରହ ବା ନରହ
ଥିବ ଏଇ ରକ୍ତର ଶ୍ରାବଣ
ଥିବ ତୋର ତିନି ଦିନ ପ୍ରେମର ପ୍ରମାଣ ।
ଅଧ୍ୟକ୍ଷା,
ଗୌରୀଶଙ୍କର ପବ୍ଲିକ ସ୍କୁଲ
ବୌଦ ।