ସପନରେ ଶେଷ ପଥ

ଆହେ ଚକ୍ରପାଣି ହୃଦୟରେ ହାଣି

ସପନ ରେ ନିଅ ମୋତେ

ବଡ଼ ଦେଉଳକୁ ଯାଉଥିବି ମୁହିଁ

ଶୂନ୍ୟ ତୁମ ରଥ ପଥେ ।

ଆଖି ଦେଖୁଥିବ ଚକାଆଖି ରୂପ

ଉଜ୍ଜ୍ୱଳ ସୂର୍ଯ୍ୟର ଆଭା,

କାନେ ବାଜୁଥିବ ଘଣ୍ଟି ଅନୁଭୂତି

ସ୍ୱରତାର ମନ ଲୋଭା।,

ଗାଇ ତୁମ ନାମ ବିଭୋରିତ ହେବି

ହଜିଯିବ ମୋର ମନ,

ବାଇଶି ପାହାଚେ ଗଢୁଥିବି ସତେ

ଜପୁଥିବି ଭଜମନ ।

ଆନନ୍ଦ ବଜାର ପାଖେ ଥିବ ମୋର

ଖାଇବି ମୁହିଁ ଅଭଡ଼ା,

ଦର୍ଶନ କରି ଫେରି ମୁଁ ଆସିବି

ଶେଷ ପଥ ମୋ ବାହୁଡ଼ା ।

◆ କେ.ନିର୍ମଳ

◆ ଭଦ୍ରକ, ବାସୁଦେବପୁର(ଜଗନ୍ନାଥି)

◆ମୋବାଇଲ:-୯୫୬୬୧୧୩୬୦୭

◆ Gmail :- [e-mail]