ବେସୁରା ଗୀତି-୭୧୦
ବେସୁରା ଗୀତି-୭୧୦
1 min
13.5K
କାହିଁକି ଆସିଛୁ ବର୍ଷା
ଚତୁର୍ଦ୍ଦିଗେ ଦେଖ ତୋର
କୁଢ କୁଢ କଞ୍ଚା ମାଂସ
ମାଂସାସୀ ଜାନୁଆରଙ୍କ ଭିଡ ॥
ମୁକୁଳି ପାରିବୁ ଯଦି କହ
ସମୟର ଭିଡ ଭିତରୁ
ଅସଂଖ୍ୟ ଜାନୁଆର ମେଳୁ
ଧୋଇ ପାରିବୁ ସବୁ ରକ୍ତମଖା ମୁହଁ ॥
ଏଠି ପରା ପ୍ରତି ମୁହୂର୍ତ୍ତ ରେ
ଶୁଳିରେ ଚଢେ ସରଳ ପଣ
ମିଥ୍ୟାର ଆଢୁଆଳରେ
ସତ୍ୟ କରେ ଆତ୍ମସମର୍ପଣ ॥
କପଟ ପଶାର ଗୋଟି ଚାଳନାରେ
ଅସହାୟ ଯୁଦ୍ଧିଷ୍ଠିର
ଆଖିବୁଜି ଉପଭୋଗ କରୁଥାଏ
ତା ନିର୍ବୋଧ ପଣ ॥
ରହିଯା ରହିଯା ବର୍ଷା ରହିଯା ଟିକିଏ
ଛଦ୍ମବେଶୀ ଆତ୍ମୀୟତା ଭିତରେ ବି
ଆତ୍ମସୁଖ ଲୁଚିଛି ଏଠାରେ
ଆସିବୁ ଯଦି ଆସ,ଧୋଇବାକୁ ମଣିଷ ମନକୁ ॥