ଧନ ମୋର

ଗଣପତି ଧନ ମୋର,

ଆସିଯିବ ମୋର ପୁର,

ସଜାଇଦେଇଚି ଦାଣ୍ଡ ବାଡ଼ି ସବୁ,

ଲିପିଛି ମୁଁ ଘରଦ୍ଵାର l

ମୋଦକ, ଲଡୁ ମୁଁ ବନାଇ ରଖିଛି,

ଦୁବ, ଫୁଲ, ପୁଷ୍ପେ ଗାଲିଚା କରିଛି,

ଧନ ମାଳି ମୋର ସୁନା ପୁଅଟି,

ଜଲଦି ଆସ ମୋର ଘରଠି l

ପାର୍ବତୀ ମାକୁ କହି ଆସିବୁ,

ଗେଲା ଧନ ମୋର କୋଳେ ବସିବୁ,

ଅଝଟ ଜମାରୁ ତୁ ହେବୁନି,

କେବେ ହେଲେ ଦୁଃଖ ତୁ ଦେବୁନି l

ରିଦ୍ଧିସିଦ୍ଧି ତୋର ସାଥିରେ ଥିବେ,

ସଦାବେଳେ ମୋର ଘରେ ରହିବେ,

ସୁନାର ପଲଙ୍କେ ତୋତେ ଶୁଆଇବି,

ପସନ୍ଦର ଖାଦ୍ୟ ତୋତେ ଖୁଆଇବି l

ଘର ହେବ ମୋର ବିଦ୍ୟା ମନ୍ଦିର,

ସଦା ସୁଖୀ ହେବେ ମୋ ପରିବାର,

ଜଣେ ହେଲେ କିଏ କଷ୍ଟ ପାଇବେନି,

ସଂସାରକୁ କର ବୈକୁଣ୍ଠ ପୁର l

ସୁକାନ୍ତି ହୋତା ତାଳଚେର 7008819476