ଭୟ
ଭୟ
1 min
6.8K
ଜୀବନ ଯେଉଁଠି ଭୟ ଅଛି ସେଠି ଏ'ତ ଜୀବ ଜନ୍ମଜାତ
ଭୟହୀନେ କାହିଁ ଜୀବନ ଅଛଇ ଏ ଭାବନା ଅକଳ୍ପିତ ।
ବିଧି ହିଁ ବିଚାରି ଭୟକୁ ସଞ୍ଚାରି ଅଛି ଜୀବ ଜଗତରେ
ତେଣୁ ପାରେ ଗୁନ୍ଥି ଜଗତର ସ୍ଥିତି ସେ ତା ନିଜ ବିଧାନରେ ।
ସର୍ବୋପରି ଭୟ ଦୁଇଟି ପର୍ଯ୍ୟାୟ ଧାରଣ କରିଛି ସିନା
ଆଉ ଯେତେ ଭୟ ହୋଇଲେ ଉଦୟ ପାଇବ ଦାସ ପାଉଣା ।
ପ୍ରଥମ ସ୍ବର୍ଗୀୟ ଅନ୍ୟଟି ନର୍କୀୟ ଜୀବ ହୃଦେ ଥାଏ ରହି
ସ୍ବର୍ଗ ନ ପାଇବା ନର୍କକୁ ପାଇବା ଜୀବ କର୍ମେ ରୁହେ ଛାଇ ।
ବିଶୃଙ୍ଖଳ ହେବ ଜୀବନ ସଦୈବ ନ ଥିଲେ ଭୟର ସ୍ଥିତି
ବିଚିତ୍ର ବିନ୍ଧାଣୀ କରିଅଛି ଜାଣି ଏ' ଭାବ ଜୀବନ ସାଥି