ଆଉ ତୋଳ ନାହିଁ ଫୁଲ
ଆଉ ତୋଳ ନାହିଁ ଫୁଲ
1 min
1.2K
.
ତେବେ ତୋଳୁଥିଲ ପର ପାଇଁ ଫୁଲ,
ଦେହ ଯାଉଥିଲା ସିଝି;
ଏବେ ଆଉ ଭାଇ!, ତୋଳ କାହା ପାଇଁ ?
ରକତେ ଗଲଣି ଭିଜି !!୧॥
ଧୂଳି ମାଟି ସାଥେ କର ନାହିଁ ଏତେ
ଏବେ ମନ ଦିଆ ନିଆ;
ଢାଳି କେତେ ପାଣି ପାରିବ କେଜାଣି
ଭିତରେ ଜଳିଲେ ନିଆଁ ॥୨॥
ତାଡି ସେହି ମାଟି ଛାତି ଯିବ ଫାଟି,
ମାଟି ଦେଖୁଥିବ ଖାଲି;
କରନା ଉଛୁର, ନିଶ୍ଚେ ହେବ ଘର,
ସେଠି ଆଜି ଅବା କାଲି ॥୩॥
ଟାଣପଣ ରଖି ଯାଉଅଛ ଥକି,
ଆହୁରି ଥକିବ ତୁମେ;
ଏବେ ଟିକେ ଭାଇ ବୁଲି ଆସ ଯାଇ
ଭିଜା ଭିଜା ମଉସୁମେ ॥୪॥
ଲଲାଟେନ୍ଦୁ କବି ୨୦୧୮୦୫୦୧୨୩୫୯