ଦଇବଟି ଏକା ସାହା

ମାନ ତେଜିବାକୁ କହୁଛ ଯା' ମୋତେ

କେମିତି ତେଜିବି ତାହା ,

ଆଗୁଁ କେତେ ବାର କଥାଦେଇ ପରା

ଭଣ୍ଡିଅଛ ଆହେ ନାହା-

କଥା କହି ନାନାରଙ୍ଗେ ;

ବାରବାର ତୁମେ ରାତି ପୁହାଇଛ

ଆନ ଗୋପୀଙ୍କର ସଙ୍ଗେ ।(୦)

ଏ ଜନମେ ହେତୁ ପାଇବା ଦିନରୁ ,

ପାସୋରିନି କେବେ ତୁମକୁ ମନରୁ ।

ଅରପି ଦେଇଛି ମନ-ପ୍ରାଣ ସବୁ

ଆପଣାର ଥିଲା ଯାହା ।(୧)

ଆଗୁଁ କେତେ ବାର କଥାଦେଇ ପରା

ଭଣ୍ଡିଅଛ ଆହେ ନାହା ।

ନିଜ ସୁଖ ଲାଗି ତୁମେ ବାରବାର ,

ଭାଙ୍ଗିଦେଉଅଛ ମନକୁ ମୋହର ।

ଗୁଣ ଜାଣି ତେଣୁ କରେ ମୁଁ ଜୁହାର

ଦଇବଟି ଏକା ସାହା ।(୨)

ଆଗୁଁ କେତେବାର କଥାଦେଇ ପରା

ଭଣ୍ଡିଅଛ ଆହେ ନାହା ।

ମାନ ତେଜିବାକୁ କହୁଛ ଯା' ମୋତେ

କେମିତି ତେଜିବି ତାହା ,

ଆଗୁଁ କେତେବାର କଥାଦେଇ ପରା

ଭଣ୍ଡିଅଛ ଆହେ ନାହା ।

କଥାକହି ନାନାରଙ୍ଗେ ;

ବାରବାର ତୁମେ ରାତି ପୁହାଇଛ

ଆନ ଗୋପୀଙ୍କର ସଙ୍ଗେ ।

ବି. ନିରୁପମା

ମାମୁରିଆ, ଛେଣ୍ଡିପଦା,ଅନୁଗୋଳ।