ଅନା ବନା ଧାଡ଼ି , ଆଗକୁ ଯାଆ ମାଡ଼ି
ଅନା ବନା ଧାଡ଼ି , ଆଗକୁ ଯାଆ ମାଡ଼ି
କୁତୁରୁ କୁତୁରୁ କୁତୁରୁ କୁତୁ
ସକାଳ ହେଲାଣି ଫୁଟିଛି ଛତୁ
କାଉ ରାବିଲାଣି କାଆ ,
ଅଳସ ଛାଡ଼ିଣ ଉଠିକି ପିଲାଏ
ପାଠ ପଢିବାକୁ ଯାଆ ।
ତାଆ ଧିନି ଧିନି ଧିନିକି ଧିନି
ମିଲି ନାଚ କରେ ବଜାଇ ଗିନି
ମିଲୁ ମାରୁଥାଏ ତାଳି ,
ଭୁଲ୍ କାମ କଲେ ମନେ ରଖିଥାଅ
ମୁହେଁ ଲାଗିଯିବ କାଳି ।
ଅକଲ ମକଲ ଟକଲ ଟିଆଁ
ବାଟରେ ମୋଟରୁ ମାରନି ଡିଆଁ
ହୁସିଆର ହୋଇଯିବ ,
ଧିରେ ଧିରେ ପୁଣି ରାସ୍ତାକୁ ଅନାଇ
ବାମ ପଟେ ଚାଲୁଥିବ ।
ଝୁମୁକୁ ଝୁମୁକୁ ଝୁମୁକୁ ଝୁମା
ରାଜୁର ପିଠିରେ ଦୁଲୁକୁ ଦୁମା
ପଢୁ ନାହିଁ ବୋଲି ପାଠ ,
ମନ ଦେଇ ପିଲେ ପାଠ ନ ପଢିଲେ
ହେବ ନାହିଁ ଭଲ ଚାଟ ।
ଡମ୍ ଡମ୍ ଡମ୍ ଡାବୁରେ ଡାବୁ
ଖେଳିବାକୁ ଗଲେ କାଳିଆ , କାବୁ
ବିଦ୍ୟାଳୟ ହେଲା ଛୁଟି ,
ରବିବାର ଦିନ ମନରେ ପକାଇ
କାଟି ଦେବ ନଖ ଚୁଟି ।
ଅମୂଲ୍ୟ କୁମାର ପଣ୍ଡା