Audio

Forum

Read

Contests

Language


Write

Sign in
Wohoo!,
Dear user,
ଝାପ୍ସା ସଂପର୍କ
ଝାପ୍ସା ସଂପର୍କ
★★★★★

© Aniruddha Samantara

Inspirational

1 Minutes   6.7K    4


Content Ranking

    

ଦୂର ଦିଗ୍ ବଳୟରେ

ଏକୀଭୂତ ହୋଇଥିବା ସଂପର୍କ ନୁହେଁତ

 ତୁମର ଆଉ ମୋର

ଯହିଁ ମିଳନର ଆଭାସ ଦେଖାଇ

ଆକାଶ ଆଉ ଧରିତ୍ରୀ ଭଳି

ମିଛଟାରେ ଏକାଠି ହେବାର

ସ୍ବପ୍ନ ଦେଖିବାକୁ ପଡେ ।



ମିଶିବାର ସ୍ବପ୍ନ ନେଇ

ବୋହୁଥିବା ନଦୀର ଦୁଇକୂଳ ନୁହେଁତ

ସଂପର୍କ ଆମର

ଯହିଁ ଏକାଠି ଲୀନ ହେବାର

ବାସ୍ତବତା ଥିବା ସତ୍ତ୍ବେ

ଭିନ୍ନ ଭିନ୍ନ ତୀରରେ

ପ୍ରବାହିତ ହେବାକୁ ପଡେ।


ଜନଶୂନ୍ୟ ମରୁଭୂମିରେ

ମରିଚୀକାର ଭ୍ରମ ନୁହେଁତ

ସଂପର୍କ ଆମ ପ୍ରେମର

ଯହିଁ ବଞ୍ଚିବାର ଆଶା ନେଇ

ତୃଷାତ ପଥିକ

ତୃଷ୍ଣା ମେଣ୍ଟିବାକୁ ଧାଇଁ ଧାଇଁ

ହତାଶ ହେବାକୁ ପଡେ।


ନିସ୍ତବ୍ଧ ରଜନୀର

କ୍ଳାନ୍ତ ହୃଦୟର ସ୍ବପ୍ନ ନୁହେଁତ

ସାଥୀ ସଂପର୍କ ଆମର

ଯହିଁ ବାସ୍ତବ ଏକ କଳ୍ପନା

ଆକର୍ଷଣ ବୀହିନ ମହାକାଶରେ

କୁହୁଡି ପହଁରା ପହଁରି

ନିରାଶ ହେବାକୁ ପଡେ।


ଅସରାଏ ଜୀବନର

ଅମଳିନ ସ୍ମୃତିର ସନ୍ତକ ନୁହେଁତ

ଆମ ଏ ମିଳନ

ଯହିଁ ଜୀବନ ସାଉଁଟେ ସ୍ମୃତିଚିତ୍ର ସବୁ

ସ୍ମୃତି ସଜାଡେ ଜୀବନ

ପ୍ରାଣବିନ୍ଦୁ ପ୍ରସ୍ଥାନ ଦ୍ବାରେ

ପ୍ରଶ୍ବାସ ନେବାକୁ ପଡେ।


               ଅନିରୁଦ୍ଧ ସାମନ୍ତରା

               କଲ୍ୟାଣ ସିଂହପୁର

ଝାପ୍ସ। ସଂପର୍କ ସ୍ବପ୍ନ ସଂପର୍କ

Rate the content


Originality
Flow
Language
Cover design

Comments

Post


Some text some message..