ପ୍ରତୀକ୍ଷା
ପ୍ରତୀକ୍ଷା
ପ୍ରତୀକ୍ଷା
ଆଭାକାନ୍ତ ମହାନ୍ତି
ଆସିବ କହିଲ ବାଟ ଚାହିଁ ବର୍ଷ
ବିତିଲା ବାଉଳା ବାଟେ,
କବିତା ଚରଚା ଚାନ୍ଦ ଚୁମିଥାନ୍ତା
ଚାହିଁ ଚାହିଁ ବେଳ କାଟେ ।
ନିର୍ଯାସରେ ନବ-ନିର୍ମାଣ ନୋହିଲା
ନହକିଆ କଣ୍ଟ ଜାଣି,
ନାହାନ୍ତି ନରେଶ ନିଚ୍ଛାବର ହେବେ
ନୁହେଁ ମୁଁ ତ ଯଦୁମଣି ।
ପୀଠେ ପାଠକର ପିପାସା ପାଉନି
ପୀୟୂଷିଆ ପଦ୍ୟାବଳୀ,
ପଣ୍ଡିତ ପାରିବାପଣ ପ୍ରଚାରୁଛି
ପାହିଆ ପୀରତି ଗିଳି ।
ବାହାବା ବରନ୍ତି ବଳ ବାଣ୍ଟି ବାଣ୍ଟି
ଭିତିରିଆ ବାଡ଼ ବାଟେ,
ସୃଜନୀରେ ସର୍ବ ଶ୍ରଦ୍ଧା ସାଉଁଟିବା
ଶୁକୁଟୁଛି ସର୍ବମୋଟେ ।
ଅଗ୍ରଗାମୀ ଆଧୁନିକତା ଆହୁରି
ଆଣିଛି ଅବୋଧ ଝଡ଼,
ଭାଷା-ଭଙ୍ଗିମାରେ ଭଉଁରୀ ଭରତି
ଭାଙ୍ଗୁଛି ଭରସା ହାଡ଼ ।
ସାରା ସମୟ ତ ସରୁଛି ସାଉଁଟି
ସ୍ୱାର୍ଥସିଦ୍ଧେ ସାଗୁଦାନା,
ସେଇଠି ସମାଜ ଶ୍ରୀବୃଦ୍ଧି ସାଜିବା
ସଙ୍କୁଚିତ ହୁଏ ସିନା ।
ନାହିଁ ନଥିବା ଏ ନଖରାମି ନଗ୍ରେ
ନିର୍ମାଣୁଛି ନାଖରାଜି,
ପଦ୍ୟୁ ପରମ୍ପରା ପରାସ୍ତ ପାଉଛି
ପାସୋରାରେ ପରା ହଜି ।
ସମାଜସଜ୍ଜାରେ ପଦ୍ୟସାହିତ୍ୟର
ଶ୍ରଦ୍ଧା ସାମନାରେ ଛିଡ଼ା,
ପୂର୍ବ ପଦ୍ୟେ ନବ-ପ୍ରତିଭା ପ୍ରଭୁତ୍ୱ
ପର୍ଯ୍ୟାୟ ହେଉନି ଯୋଡ଼ା ।
ବଚସାରେ ବଞ୍ଚି-ରହିବାଠୁଁ ବରଂ
ବୁଦ୍ଧି ବାଣ୍ଟ ବାସ୍ତବରେ,
ବିଧି ବ୍ୟବିଚ୍ଛଦେ ବୁଝିବ ବିବିଧେ
ବର୍ଦ୍ଧିତର ଅଙ୍ଗୀକାରେ ।
ବଳ ବିବଶରେ ବାହୁନିବ ନାହିଁ
ବେସରମେ ବହୁଭାବେ,
ଅବସୋସ ଏବୁ ଅଡ଼ାଅ ନରହି
ଅହଂକାର ପ୍ରାଦୁର୍ଭାବେ ।
ସୀମିତ ସମୟେ ସାମର୍ଥେ ସମାଜ
ସଜାଅ ସର୍ବ ଶ୍ରଦ୍ଧାରେ,
ସାର୍ଥକ ହୋଇବ ତୁମ ସୃଷ୍ଟି ସ୍ଥିତି
ସ୍ରଷ୍ଟା ସୃଜନୀୟ ଧାରେ ।
ଅନାଇ ରହିଛି ଆସି ଆଲୋଚନେ
ଅଜାଡ଼ିବ ଅଭିମତ,
ଆଲୋଡ଼ନେ ଆଗେ ବାଟ କି ଅବାଟ
ଆଙ୍କିହେବ ତ ଅନ୍ତତଃ ।
ନୂଆସାହି, ବିଡ଼ାନାସୀ, କଟକ-୭୫୩୦୧୪
ଫୋନ୍-୯୦୪୦୦୦୩୧୦୧
*****