Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Kalyani Nanda

Others

3  

Kalyani Nanda

Others

ଅସହାୟ ଜୀବନ

ଅସହାୟ ଜୀବନ

1 min
448



ସମୟ ବିତିଛି ସଂପର୍କ ହଜିଛି ନାହିଁ ସେଇ ଦିନ,

ଦୁର୍ବଳ, ଜର୍ଜର କାୟା ଆଜି ହୋଇଛି ଶ୍ରୀହୀନ,

କମ୍ପିତ ହସ୍ତ ପାଦ ଦୃଷ୍ଟି ବି ହୋଇଛି ମଳିନ ।


ଦିନ ଥିଲା ଚାଲୁଥିଲା ସାଥେ ସାଥେ ଧରି ଯେଉଁ ହାତ,

ମନେ ଥିଲା ଦୃଢ ପ୍ରତ୍ଯୟ ,ନ ଥିଲା ମନେ କିଞ୍ଚିତ ଭୟ ,

ନିଜ ଲହୁ ଲୁହରେ ଶକ୍ତ କରି ଗଢିଥିଲା ଯେଉଁ ହାତ ,

ଜରାଗ୍ରସ୍ତ ଦୁର୍ବଳ ହାତେ ଆଜି ଆଶା ବାଡି ହିଁ ହୋଇଛି ସହାୟ ।


ସ୍ନେହ, ଆଦରର ଜଳ ସିଞ୍ଚି ଗଢିଥିଲା ଯେ ଜୀବନ ,

ଯା ଆଖିରେ ସୁନ୍ଦର ସ୍ବପ୍ନ ଦେଖି ହେଉଥିଲା ବିଭୋର,

ସେ ଆଖି ହରାଇଛି ଦୃଷ୍ଟି , ଜ୍ଯୋତି ତାର ହୋଇଛି ମଳିନ,

ନିଦ ହଜିଛି ହଜିଛି ସ୍ବପ୍ନ , ଆଖି ରେ ଭରିଛି ଖାଲି ଅନ୍ଧକାର ।


ଅଜଣା ରାଇଜ, ଅଦେଖା ମୁଲକ, ସନ୍ତାପିତ ଜୀବନ ,

ଏକାକୀତ୍ବର ଯନ୍ତ୍ରଣା ଆଉ ହାହାକାରମୟ ଜୀବନ ,

ସବୁ ସ୍ବପ୍ନ, ସବୁ ଆଶା ,ସବୁ ଇଚ୍ଛା ର ଆଜି ହୋଇଛି ମରଣ ,

' ବୃଦ୍ଧାଶ୍ରମ' ର କୋଳାହଳେ ଶୁଭେ ଖାଲି ମୃତ୍ଯୁ ର ଆହ୍ବାନ ।



Rate this content
Log in