ଫୁଲେଇ ଫୋନି
ଫୁଲେଇ ଫୋନି
ଫୁଲେଇ ଫୋନି
- - - - - - - - - - - - - - - - - - - - -- - - - - - - - - - - - - - - - - - - -
ଫୋନି ଫୁଲେଇ ତୁ' ଏତେ ଓଲେଇ ଲୋ
ଲଙ୍ଘିଲୁ ଶ୍ରୀକ୍ଷେତ୍ର ଧାମ ,
ଜାଣିକି ନଥିଲୁ ଜଗନ୍ନାଥ ଦେଶ
ଏକିକଲୁ ହୀନକର୍ମ ! !
ଫୋନି ମହାବାତ୍ୟା ଆସିଲା ଅଗତ୍ୟା
ରଚିଲା ତାଣ୍ଡବ ଲୀଳା ,
ଓଡ଼ିଶା ଭୁଖଣ୍ଡେ କରାଳ ରୂପରେ
ବୁଡ଼ାଇଲା କେତେ ଭେଳା !?!
ଫୋନି ଭାଇ ବନ୍ଧୁ ବୁଲିକି ଗଲେଣି
ହୁଡହୁଡ ଫାଇଲିନି ,
ତିତିଲି ଭଉଣୀ ନଗଦ ଯାଇଛି
ଉଡେଇ ପଣତ କାନି ! !
ଉତ୍କଳ ପ୍ରଦେଶ ଜଗନ୍ନାଥ ଦେଶ
ବାତ୍ୟାର ସମର କ୍ଷେତ୍ର ,
ମହାଯୋଦ୍ଧା ବାତ୍ୟା ହାରିଛି ସର୍ଵଦା
ଦେଖିଛି ଏ'ଜନ ନେତ୍ର ! !
ବିକଟ ଉତ୍କଟ ଫୋନିର ପ୍ରଭାବ
ପ୍ରତିଶୋଧ ପରାୟଣ ,
ତଥାପି ଉତ୍କଳ କଲାନି ଭୃକ୍ଷେପ
ସୁମରିଲା ନାରାୟଣ ! !
ପବିତ୍ର ଶ୍ରୀକ୍ଷେତ୍ରେ ଫୋନିଟା ପ୍ରବେଶେ
ସଂହାର କରିବାପାଇଁ ,
ଆମ ମହାପ୍ରଭୁ କୃପାମୟ ବିଭୁ
ଦେଲେ ତାକୁ ଘଉଡେଇ ! !
ବୃକ୍ଷ ରାଜି ନଷ୍ଟ କଲା ଫୋନି ସତ
ଶ୍ରୀହୀନ ଦିଶୁଛି ଭୂମି ,
ଝାଟିମାଟି ଘର କଲାତ ସଂହାର
ଚତୁର୍ଦିଗେ ଭ୍ରମି ଭ୍ରମି ! !
ବିଦ୍ୟୁତ ଖୁଣ୍ଟକୁ ଫିଙ୍ଗିଲା ଦୂରକୁ
ଛିଣ୍ଡାଇଲା ଶକ୍ତ ତାର ,
ଦୂରଭାଷ ସେବା ଅଚଳ ହୋଇଲା
ବଡ଼ ଦୁଃଖ ଉତ୍କଳର ! !
ବୈଷୟିକ ଯୁଗେ ଆଭାଷ ସରାଗେ
ଆଗୁଆ ସୂଚନା ମିଳେ ,
ବାତ୍ୟାର ପ୍ରକୋପ କେତେ ତା'ର ବେଗ
ଯନ୍ତ୍ରତନ୍ତ୍ର ଆକଳନେ ! !
ଆଗୁଆ ପ୍ରସ୍ତୁତି ପ୍ରସାଶନ ନୀତି
ଡାକେ ଡାକବାଜି ଯନ୍ତ୍ର ,
ତଟ ପ୍ରାନ୍ତଦେଶ ନୁହେଁ ସୁରକ୍ଷିତ
ହେଜ ସର୍ବେ ଗୁରୁ ମନ୍ତ୍ର ! !
ଆସୁ ଯେତେ ଫୋନି କିଛିବି'ହବନି
ରହିବା ଯଦି ସତର୍କ ,
ସୁଦୃଢ଼ କୋଠାରେ ରହିବା ସରାଗେ
ନକରି କିଛି ବିତର୍କ ! !
ହେ' ଜଗତ ପତି ଶିରୀକ୍ଷେତ୍ର ବାସୀ
କୋଟି କୋଟି ପ୍ରଣିପାତ ,
ନ'ଆସୁ ଏ'ବାତ୍ୟା ଉତ୍କଳ ବିଧାତା
ହସିବ ଉତ୍କଳ ମାତ ! !
ଆହେ ଜଗନ୍ନାଥ ବିଷମ ଏ'ଚିତ୍ର
କଳ୍ପବଟ ପ୍ରଭାବିତ ,
ଉଦ୍ଧତ ଫୋନିଟା ପାପ ଅରଜିଲା
କର୍ମଫଳ ଭୋଗିବତ ! ? !
ସଦାନନ୍ଦ ସାହୁ , କାରା କର୍ମଚାରୀ ,
ଚୌଦ୍ଵାର , କଟକ , ! !