Library
ଜୀବନ ଗୀତା-୩୦୬
ଜୀବନ ଗୀତା-୩୦୬
1 min
156
ଜୀବନ କେବେ ଫୁଲ ପରି ଫୁଟେ
କେବେପୁଣି ବୋମା ପରି
ସବୁ ଫୁଟିବାରେ ସୃଜନ ନଥାଏ
ମରଣ ବି ଥାଏ ଭରି ॥୦॥
ସବୁରି ଜୀବନେ ସଂଭାବନା ଥିବ
ଏମିତି ତ ମୋଟେନୁହେଁ
ସବୁରି ଜୀବନେ ମରଣ ଆସିବା
ଚିରନ୍ତନ ସତ୍ୟ ଟିଏ
ଜୀବନ ଥିଲେ ଜିଜୀବିଷା ଥାଏ
ବଂଚିବାର ଅଭିଳାଷ ଯାଉଥାଏ
ଦିନୁଦିନ ବଢିବଢି ॥୧॥
ଜୀବନ ମାୟାରେ ପଡିଗଲେ ଥରେ
ମରଣକୁ ଲାଗେ ଭୟ
ଆସିବ ଆସିବ ବୋଲିକି ମରଣ
ମନକୁ କରେ ଅଥୟ
ଅଥୟ ମନ ଦେଖଇ ସପନ
ଜିଇଁବାର ପିପାସା ତ ଯାଉଥାଏ
ମଲାବେଳେ ବଢିବଢି ॥୨॥
