ଶୀତ ଅଛି

******* ଶୀତ ଅଛି ******
ଶୀତ ଅଛି
କାକର ଠୋପାର ଚହଲରେ
ରେଶମୀ ଚାଦର ଉଷୁମରେ
ନିଦୁଆ ଦେହର ଅଳସରେ
ପହିଲି ଚା'ର ବିକଳରେ ।

ଶୀତ ଅଛି
ଦାଣ୍ଡ ଅଗିରାର ଲହଲହ ଶିଖାରେ
ମାଳିଆ ବୁଢାର ଖୋଲା  ପିଠିରେ
ସୁମିଅପାର ଗାଧୁଆ  ହଳଦୀରେ
ଫେରନ୍ତା ଗୋଠର ଗୋଧୂଳିରେ ।।

ଶୀତ ଅଛି
ଝୁମା ପାଗେଳିର ଅଶ୍ରାବ୍ୟ ଗାଳିରେ 
ବୁଢ଼ୀ ଆଇର ସୁମରଣାରେ
ନୂଆବୋଉଙ୍କ ତରତରରେ
ମାଆ ହାତର ପରଷାରେ ।।।

ଶୀତ ଅଛି
ସୋରିଷ ଖେତର ଲହରୀରେ
କଅଁଳ ପତ୍ରର ସବୁଜିମାରେ
ପରଅାପଣାର ଆଦରରେ
ନୁଖୁରାପଣର ବ୍ୟସ୍ତତାରେ ।।।।

ମୋ ପାଇଁ ଶୀତ ଅଛି......
ପ୍ରିୟା 
ଖାଲି ତୋଠାରେ ତୋଠାରେ ତୋଠାରେ ।।।।।

 ଅମିୟ