ପ୍ରିୟତମାକୁ
ପ୍ରିୟତମାକୁ
1 min
6.6K
ପ୍ରତିଭା ପରିଡ଼ା
ରତ୍ନବେଦିରେ
କେଉଁ ଦୀପ ଜଳୁଥାଏ ପୁଣି ଲିଭୁଥାଏ ?
କାହା ନାଆଁରେ ,
ଗୋପଦାଣ୍ଡରେ ଡିବିଡିବି ନାଗରା ବାଜୁଥାଏ ?
ଈଶ୍ଵରୀ !
ତୋ’ ଇସାରାରେ ତ
ମୋର ଏ କାଳ , ସେ କାଳ
ଆଉ ସାରା କାଳ ନାଚୁଥାଏ ।
ତୋ ଦେହର କୁଣ୍ଡଳି ,
ଢାଙ୍କି ରଖିଥାଏ
ମୋର ଅର୍ଥ ପରମାର୍ଥ
ତୋ’ ନୀଳ ଆଖିର ମାୟା ,
ଢୋକି ନେଉଥାଏ ,
ମୋର ସଂସାରଭର୍ତ୍ତି ଅଭିମାନ ,
ପୁଣି ସମୁଦ୍ରେ ଅବିଶ୍ଵାସ ।
ମୋତେ କେଉଁ ବା ବାଟ ଦିଶୁଛି ?
ଗୋଟାଏ ପାଦ ସାମ୍ନାକୁ ବଢ଼ିଲେ
ସାତ ପାଦ ପଛକୁ ଫେରୁଛି
ମୋର ଯେତେ କର୍ମ ଅକର୍ମ ,
ମୋର ଯାହା ପାପ ପୁଣ୍ୟ ,
ପ୍ରିୟତମା !
ମୁଁ କ’ଣ ବର୍ଣ୍ଣିବି ,
ସ୍ଵର୍ଗ ତ ସ୍ଵର୍ଗ ,
ନର୍କରେ ବି ତୋ’ର ଆଖି
ପହରା ଦେଉଛି ।