ସପ୍ତରଙ୍ଗ
ସପ୍ତରଙ୍ଗ
ଦେଇ ନେଇ ପୁରେଇଲି ଘର....,
ରୁପରଂଗ ଠାଣିକି ସଜାଡି,
କରେଇଲି ଅଭାବ ପୂରଣ....,
ସମର୍ପିତ ପ୍ରାଣ ମୋର,
ଉଠବସ ହେଲା,
ତୁମ ଇସାରାରେ.... l
କହିଲ ଦେଖିବ ଜୀବନର ସପ୍ତରଂଗ,
ଆଣିଦିଅ ମୋତେ.....,
ଖୋଜୁଛି ମୁଁ ତୁମ ପାଇଁ ତାହା,
ଦିନ ରାତି କରୁଛି ଏକାଠି ...... l
ହେଲେ ମୋ ଯାଣିବାରେ ସପ୍ତରଂଗ ଯାହା .....
ତୁମପାଇଁ ସେ ନିଉଛୁଣା ପ୍ରହେଳିକା!
ବୁଲି ବୁଲି ଅବଶ ମୋ ପାଦ,
ପାରୁନି ଯୋଗାଡି ମୁଁ ......,
ସଜେଇ ପାରୁନି ବି ତୁମ ଅଭେଦ୍ୟ ଦୁର୍ଗକୁ l
ହାତାସ ...ହତାସ ମୋ ଆଞ୍ଜୁଳା ସମୟ,
ଆବୋରିନି ତୋଳିଆଣି ସପନ ସେପଟୁ,
ନିଦ ପଟୁଆର ଅବା ବର୍ଷା ଭିଜା ରାତି,
କି ଘୁମନ୍ତ ପର୍ବତ ପୁଣି ଦାରୁଣ ଝାଞ୍ଜିକୁ,
ସଜେଇଲେ ସାଜୁନାହିଁ ତୁମ ସପ୍ତରଂଗ,
କିଂକର୍ତ୍ତବ୍ୟ ବିମୂଢ ମୁଁ .... l
ଫେରେ ତୁମ ଦରଜା ବାହାରୁ,
ଯହିଁ ଶୁଭୁଥାଏ କା'ର ଖିଲି ଖିଲି ହସ,
ତୁମ ଫିସ୍ ଫିସ୍ କଥା ଆଡ ପକାଏ ସେଥିରେ..... l
ମୋ ପାଦ ଫେରେ ସେଠୁ ତୋଳିବାକୁ ଖୋଜିବାକୁ ତୁମ ସପ୍ତରଂଗ
କାହିଁକିନା.......,
ଟିକେ ଶୁଣିତ ପାରିବି ତୁମ ଫିସ୍ ଫିସ୍ କଥା....,
ଏଣୁ ଥକିଲା ପାଦକୁ ବିଶ୍ରାମ ଦିଏନା,
ଖୋଜୁଛି ମୁଁ ତୁମ ପାଇଁ ତୁମ ସପ୍ତରଂଗ.... l
ପ୍ରତାପ ନାୟକ
,,,,,,,,,,,,,,, ୭୦୦୮୦୫୪୨୮୨