ଜୀବନ ଗୀତା- ୪୫
ଜୀବନଟା କେବେ ଲିଭିଲା ଦୀପର
ଉଠୁଥିବା ମିଠା ଧୂଆଁ
କେବେ ପୁଣି ସିଏ ଜଳନ୍ତା ସୂର୍ଯ୍ୟର
ଜଳୁଥିବା ରଡନିଆଁ ॥୦॥
ଗଙ୍ଗଶିଉଳିର ପାଖୁଡାରେ ଲେଖା
ବିଦାୟ ଗୀତିକା ପଦେ
ଚିତ୍ର ପ୍ରତିମାର ଓଠଧାରେ ଅଙ୍କା
ରହସ୍ୟ ହସରୁ ଅଧେ
ମୋହନ ବେଣୁର ସୂରରେ ସୂରରେ
ଡାକୁଥାଏ ଧରି ନାଁ ॥୧॥
ସପନ ସଉଦା କରୁଥାଏ କେବେ
ସାଜି ସୌଦାଗର ଟିଏ
କଣ୍ଟାର ପଥରେ ଚାଲୁଥାଏ କେବେ
ହସିହସି ପୁଣି ସିଏ
ଲେଉଟାଣି ପଥେ ଛାଡିଯାଏ ପୁଣି
କେତେ ସ୍ମୃତି ଟିପଛୁଆଁ ॥୨॥
Rate the content
Originality
Flow
Language
Cover design
