ଆମ ଗାଆଁର ପ୍ରଭାତ ବର୍ଣ୍ଣନା

ପୂରୁବ ଦିଗରୁ ରକ୍ତିମ ଅରୁଣ

ସୁନେଲି ମୁରୁଜ ନେଇ

ପ୍ରକାଶେ ଧରାକୁ ନବ ବଧୁ ପରି

ସୁନ୍ଦରୀ ସଜାଇ ଦେଇ l

ଉଠି ବିହଙ୍ଗମେ ଖାଦ୍ୟ ଅନ୍ବେଷଣେ

କିଚିରି ମିଚିରି କରି

ଉଡିଲେ ଗଗନେ ଅତି ଆନନ୍ଦରେ

କେତେ ଆଶା ମନେ ଭରି l

ସରସେ ପ୍ରସ୍ଫୁଟି ପାଖୁଡା ବିସ୍ତାରି

କମଳିନୀ ହସି ଉଠେ

ସରାଗ ମନରେ ଚାଷୀ ଭାଇ ଆମ

କର୍ତ୍ତବ୍ୟରେ ତାର ଛୁଟେ l

ନିଦ୍ରା ତେଜି ସୁପ୍ତ ଜନଗଣ ଏବେ

କର୍ମରେ ତତ୍ପର ହେଲେ

ନୀଳ ଆକାଶରୁ ଶଶି ତାରା ଗଣ

କିରଣେ ବିଦାୟ ନେଲେ l

ବିଦ୍ୟାଳୟ ଅଭିମୁଖେ ବାହାରିଲେ

ପଢିବାକୁ ଛାତ୍ର ଛାତ୍ରୀ

ବିଷର୍ଣ୍ଣ ଭାବକୁ ତେଜି କର୍ମେ ଗଲେ

ପଥ ପରେ ପଥ ଯାତ୍ରୀ l

ସକାଳର ନଈ ଯାଉଥାଏ ବହି

କଳ କଳ ରାବ କରି

ସ୍ନାନ ସାରି ସଦ୍ୟ ସ୍ନାତା ଗ୍ରାମ ବଧୂ

କଳସୀକୁ ଫେରେ ଧରି l

ବିପ୍ର ମନ୍ତ୍ରେ ଉଲ୍ଲସିତ ଦେବାଳୟ

ସୁନ୍ଦର ପ୍ରଭାତ ଶୋଭା

ବନ୍ଦେ ନବ ବଧୂ ଚଉଁରା ମୂଳରେ

ସୌନ୍ଦର୍ଯ୍ୟ ଟି ମନ ଲୋଭା l

ଆସ ଆସ ମୋର ପ୍ରିୟ ପରିଜନ

ସାହସ ମନରେ ଭରି

ଆଗେଇବା କାମେ ହରସ ମନରେ

ସଦ୍-ଗୁରୁ ନାମ ଧରି I

#ଅମୂଲ୍ୟ #କୁମାର #ପଣ୍ଡା