କେହି ତ ଆସିବା ନାହିଁ”
କେହି ତ ଆସିବା ନାହିଁ”
ପାର୍କ ଚଉକି ପଡ଼ିଲାଣି ଫିକା
ଦେହର ଓଜନ ସହି,
କହିଥିଲା ପ୍ରିୟା ସହଳେ ଆସିବ
କେବେ ସେ ତ ଆସୁ ନାହିଁ ।
ସହରରେ ଥିଲା ସୁଟିଙ୍ଗି ଯେ ଚାଲି
ନୂଆ ନୂଆ ମୁହଁ ଚାହିଁ,
ଫିଲିମି ଷ୍ଟାରକୁ ବଳିଲା ମୋ ମନ
ସେପରି ଚେହେରା କାହିଁ ।
କାହିଁକି ଆସିବେ ହିରୋ-ହିରୋଇନି
ଆଖି କାହିଁ ହେଉ ବାଇ,
କିଡ଼ିନି ଚୋରଙ୍କ ଆତଙ୍କ ଖେଳିଛି
କେହି ଆସିବାର ନାହିଁ ।
ନୂଆ ଚେହେରା ଯେ ଖାଇଲେଣି ମାଡ଼
କେତେ ଯିବେ ଆଉ ସହି,
ଖରାର ତାକତ ଏତେ ଯେ ବଢୁଛି
ଏ ଦେହ ଯେ ସହେ ନାହିଁ ।
ମଉସୁମୀ ତୁମେ ରାସ୍ତା କି ଭୁଲିଲ
ଖରା ମାରେ ଚାଇଁ ଚାଇଁ,
ସବୁ ଗଲେ ଭୁଲି ଆମ ଏ ସହର
କେହି ଆସିବାର ନାହିଁ ।
ମୁନ୍ନା ମହାପାତ୍ର, ଗୁଣପୁର