ଚାଲିଯିବୁ ତୋ ଶାଶୂଘର

ଚାଲିଯିବୁ ତୋ ଶାଶୁଘର

ଚାଲିଯିବୁ ତୋ ଶାଶୁଘର।

ଏବେ ଠାରୁ ତୁ ଆଉ କାହାର ,

ହୋଇଯିବୁ । ଆଉ କିଛି ଦିନ ବାସ ,

ତା ପରେ ତୁ ଫୁଲ ରେ ସୁସଜ୍ଜିତ ,

ସଵାରୀ ରେ ବସି ଚାଲିଯିବୁ,

ଚାଲିଯିବୁ ସେହି ଗାଁ ରାସ୍ତା ରେ,

କେତେ ଖେଳି ଥିଲେ କେତେ ,

ଅଭିମାନ, ରାଗରୁଷା କରିଥିଲୁ ,

ସାକ୍ଷୀ ଅଛି ଆଜି ସେହି ରାସ୍ତା ,

କେବେ ପୁଣି କାଗଜ ଡଙ୍ଗା ,

କରି ରାସ୍ତା ରେ ଜମିଥିବା ,

ସ୍ୱଳ୍ପ ପାଣିରେ ଭସାଇ ଥିଲେ ।

ସାନ୍ଧ୍ୟ ଆଳତି ର ସମୟ ରେ,

ମୋ ପାଇଁ ଏକ ପୂର୍ବ ନିର୍ଦ୍ଧାରିତ,

ସୂଚୀ ଥିଲା ମୋତେ ଟାଣି ନେଇ,

ଗାଁ ମୁଣ୍ଡ ମନ୍ଦିର କୁ ଯାଉଥିଲୁ,

ମୋ ବାରଣ ଆଉ ଅନିଚ୍ଛା ସତ୍ତ୍ୱେ ।

ସେ କୌଣସି ବି ଜିନିଷ ହେଉନା,

କାହିଁକି ସର୍ବପ୍ରଥମେ ତୁ ପରଖିଥିଲୁ,

ଯଦି ତୋର ନାପସନ୍ଦ ହୁଏ ତେବେ,

ମୋ ଅଧିନ ରେ ଆସେ।

ସାଙ୍ଗ ହୋଇ ସ୍କୁଲ ଯିବା,

ମୋ ହାତ ର ସହାରା ନେଇ ମୋ

ହାତର ଆଙ୍ଗୁଳି ରେ ଆଙ୍ଗୁଳି ସନ୍ଧି,

ମୋ ସୁରକ୍ଷା ର ବଳୟ ଭିତରେ,

ପୁଣି କେବେ ଅଭିମାନ କରି,

ଏକା ଏକା ଯାଉଥିଲୁ ।

ପୁଣି କେବେ କାନ୍ଦି କାନ୍ଦି,

ମୋ ପାଖେ ଧାଇଁ ଆସୁଥିଲୁ ।

ଯେପରି ମୁଁ ତୋ ପାଇଁ ନ୍ୟାୟଧିସ,

ତୋତେ ନ୍ୟାୟ ହିଁ ଦରକାର ,

ଦୋଷୀ କୁ ଦଣ୍ଡ ଦରକାର,

ତୋ ଇଚ୍ଛାନୁଯାଇ ତାହା ହିଁ ହୁଏ।

ସାଙ୍ଗ ହୋଇ ଖାଇବା ,

ଗ୍ରୀଷ୍ମ ଛୁଟି ରେ ମାମୁଁ ଘରକୁ ଯିବା,

ମାମୁଁ ଙ୍କ ସହିତ ପାଖ ମେଳା କୁ ,

ବୁଲିଯିବା ମାମୁଁ ଘର ଗାଁ ର ସେହି ,

ଅସୀମ ଧାନ ର କ୍ଷେତ,ଗାଁ ଦାଣ୍ଡ,

ବର ଗଛ ର ଓହଳ ମଧ୍ୟ ରେ,

ରଜ ର ଦୋଳି ଖେଳିବା ।

ସମୟ ର ଚକ୍ର ତୋର ଉଚ୍ଚ ଶିକ୍ଷ୍ୟା,

ଆଉ ମୋର କର୍ମ କ୍ଷେତ୍ର ଅଲଗା ,

କରିଦେଇଥିଲା ଆମ ଦୁହିଁ ଙ୍କୁ ,

କିନ୍ତୁ ଏବେ ଠାରୁ ସବୁଦିନ ପାଇଁ ,

ଆମେ ଅଲଗା ହୋଇଯିବା ।

ମୁଁ ପାଲଟିଯିବି ତୋ ପାଇଁ ପର,

ତୁ ଚାଲିଯିବୁ ଆଜି ତୋ ଶାଶୁଘର,

ମୁଁ ହୁଏତେ କେବେ ଯିବି ତୋ ଘରକୁ

କିନ୍ତୁ ଜଣେ ଅତିଥି ଭାବରେ ,

ମୋ ଅବସାଦ ପୂର୍ଣ୍ଣ ମୁଖ ରେ,

କେବେ ତୁ ହସ କୁ ଫେରାଇ ଆଣୁଥିଲୁ ।

ପୁଣି କେବେ ବେସହାରା ଭାବେ ,

ରୋଗୀ ଶଯ୍ୟା ରେ ନିକମ୍ମା ଭଳି ,

ପଡିଥିବାବେଳେ କେବଳ ତୁ ମୋର,

ଅନ୍ତିମ ସାହାରା ସାଜିଥିଲୁ ।

ତୁ ଚାଲିଯିବୁ ଆଜି ମୋ ମୁହଁ ର ,

ହସ ର ଫୁଲ ଚିରକାଳ ପାଇଁ ମଉଳି ଯିବ ।

ରକ୍ଷ୍ୟା ବନ୍ଧନ ର ପର୍ବ ମୋ ପାଇଁ ,

ମୂଲ୍ୟହୀନ ହୋଇ ରହିଯିବ ।

ତୋ ଅନୁପସ୍ଥିତି ରେ ମୋତେ ଆମ ଗାଁ,

ପୁରା ମରୁଭୂମି ପରି ଲାଗିବ,

ମୁଁ ଯେଉଁ ଆଡେ ଯିବି ମୋତେ

ଖାଲି ତୋର ସେ ହସ ହସ ମୁଁହ,

ଦୃଶ୍ୟମାନ ହେବ। ମୋ ସ୍ମୃତି ଭିତରେ,

ଆମ ପିଲା ଦିନ ଜାଗି ଉଠିବ ।

ମୋର ଆଖି ରେ ଲୁହ ବହିଯିବ,

ଯେବେ ତୋର ସେ ଭାଇ ଡାକ,

ମୋ କର୍ଣ ରେ ସବୁବେଳେ ପ୍ରତିଧ୍ୱନି,

କରି କହୁଥିବ ମନ ଦୁଖଃ କରୁଛୁ?

ଭାଇ,ମୋତେ ତ ଦିନେ ନା ଦିନେ ,

ଯିବାର ର ଥିଲା ବଧୂ ବେଶ ରେ,

ଗୋଟେ ଝିଅ ର ଜନ୍ମ ପରଘରକୁ,

ମୁଁ ତୋ ପାଖେ ପାଖେ ଅଛି ।

ରାକ୍ଷୀ ପୁର୍ଣିମା ରେ ମୁଁ ପୂର୍ବ ପରି,

ରାଖୀ ବାନ୍ଧି ଦେଇ ତୋ ମୁହଁ ରେ ,

ହସ ର ଫୁଲ କୁ ପୁଣି ଜାଗ୍ରତ କରିବି ।

ପୁଣି ଥରେ ତୋ ସହ ମାମୁଁ ଘର କୁ ଯିବି ।

ମୁଁ ତୋର ଗେଲ୍ହା ଭଉଣୀ ଥିଲି

ଅଛି ଆଉ ରହିବି ମଧ୍ୟ।

ପ୍ରକାଶ ସାହୁ