ମାତୃଭାଷା
ମାତୃଭାଷା
ବାପାଙ୍କୁ କହିଲ ଡାଡ଼୍
ଖଟକୁ କହିଲ ବେଡ୍
ମାଆଙ୍କୁ କହିଲ ମମ୍
ଗୁରୁମାଆଙ୍କୁ କହିଲ ମେମ୍ ।
ଗୁରୁଙ୍କୁ କହିଲ ସାର୍
ସାଙ୍ଗକୁ କହିଲ ୟାର୍ ଓ
ଭାଇଙ୍କୁ କହିଲ ବ୍ରଦର୍
ଭଉଣୀକୁ କହିଲ ସିସ୍
ଆଉ ସ୍ତ୍ରୀଙ୍କୁ କହିଲ ମିସ୍
ଖାଇବାକୁ କହିଲ ଡିସ୍ ।
ଇଇଇଇଇସିସିସିସି...
ମାତୁଭାଷାର 'ମ' ଅକ୍ଷର ଜାଣିନ
ଚୋବାଉଛ ଇଙ୍ଗିଲିସ୍ ।
ଉତ୍କଲ ଦିବସ ମାନେ ଜାଣିନାହଁ
କହୁଛ ଏପ୍ରିଲ ଫୁଲ୍
ଯାହା କହୁଛ ଓଡ଼ିଆ ଦି’ ପଦ
ଶହେରେ ନବେ ଭୁଲ ।
ଓଡିଶା ମାଟିର ଜନମ ହୋଇଲ
ଓଡ଼ିଶା ଭୁଇଁରେ ବଢିଲ
ଦି’ ଚାରିପଦ ଇଙ୍ଗିଲିସ୍ ପଢି
ଓଡ଼ିଆ କହିବା ଛାଡିଲ ।
ନିଜ ମାତୃଭୂମି ମାତୃଭାଷାର ମମତା
ମୂଲ୍ୟକୁ ଟିକିଏ ବୁଝିବ
ଗର୍ବରେ ନିଜ ଛାତିକୁ ଫୁଲେଇ
ବନ୍ଦେ ଉତ୍କଳ ଜନନୀ ଗାଇବ
ତୁମ ବାପା ମାଆ ଜନମ ଦେବାଟା
ତାଙ୍କ ଜୀବନଟା ସାର୍ଥକ ହୋଇବ ।