ଭାଙ୍ଗ ଗହଳ
ଭାଙ୍ଗ ଗହଳ
1 min
2.0K
ଆସ ମହାବାହୁ,ଆସ ସଅଳ...
ଉଛୁର ହେଲାଣି ପରା-
ଭାଙ୍ଗ ଗହଳ ।(୦)
ଆସ ସଅଳ ।
ମାଉସୀ ମା' ବାଟଚାହିଁ-
ଥିବେ ତୁମ ଭେଟ ପାଇଁ ,
ପଡ଼ି ଯାଇଥିବ ତହିଁ
ପୂରା ଚହଳ ।(୧)
ଭାଙ୍ଗ ଗହଳ....
ବଡ଼ ଦେଉଳର ମୋହ-
ଭୁଲି ପାରୁନ କି କୁହ ,
ଚାହଁ, ଭକ୍ତ ଶହ ଶହ
ଭାବେ ବିହ୍ଵଳ ।(୨)
ଭାଙ୍ଗ ଗହଳ....
ମାଉସୀ ମା' ବାଟେ ଭେଟି-
ପୋଡ଼ପିଠା ଦେବେ ସେଠି,
ଖାଇବ ଆନନ୍ଦେ ଅତି
ଚଳ ଚଞ୍ଚଳ।(୩)
ଭାଙ୍ଗ ଗହଳ....
ଆସ ମହାବାହୁ ,ଆସ ସଅଳ....
ଉଛୁର ହେଲାଣି ପରା-
ଭାଙ୍ଗ ଗହଳ ।
ଆସ ସଅଳ ।।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ।