ହେ ଶବ୍ଦ

ବନ୍ଦୀ

ବନ୍ଦୀତ୍ୱର

ବଳୟ ଭିତରେ ,

ଗୃହ ବନ୍ଦୀ ଟିଏ ମୁଁ

ଜୀବନର ସତ୍ୟତାକୁ

ଉନ୍ମୋଚନ କରୁଥିବା ଏଇ

ଶବ୍ଦମାନଙ୍କ ପାଖରେ ଅସହାୟ,

ନିର୍ନିମେଶ ନୟନର ସନ୍ଧିଟିଏ ମୁଁ !

ସତ୍ୟ

ସତ୍ୟ କିମ୍ବା

ଅର୍ଦ୍ଧସତ୍ୟ ହେଉ,

ସତ୍ୟକୁ ସଂସ୍କାର

ମିଥ୍ୟାକୁ ସଂହାର

ଅଥବା,ମିଛ କଳଙ୍କକୁ

ଧିକ୍କାର କରୁଥିବା,ତିରସ୍କାର ଭରା

ଏଇ ସବୁ ଶବ୍ଦମାନେ ମୋର ମିତ୍ର !

ଅସହାୟ

ଅସହାୟ ଆଉ

ଅସହାୟତା ଭିତରେ

ସ୍ୱୟଂସମ୍ପୂର୍ଣ୍ଣ ବିବେକକୁ

ଦଂଶନ କରୁଥିବା ବ୍ୟକ୍ତିତ୍ୱ

ଅଥବା ଜଘନ୍ୟ,ଦୁଷ୍କର୍ମ ଜନିତ

ଆବର୍ତ୍ତମାନ,ଆବହମାନ ଉପେକ୍ଷିତ

ପରିସ୍ଥିତି ପାଇଁ ପୁନଶ୍ଚ ପୁଙ୍ଗବ !

ମିତ୍ର

ମିତ୍ର ମୋ'ପାଇଁକି

ମୋର ସଖା,ଆଉ

ମୋର ଆଧ୍ୟାତ୍ମ ଚେତନାର 

ଆବାହକ,ଆବାହକ ଆତ୍ମାର,

ପ୍ରବାହକ ଆତ୍ମାନୁଶୀଳନର,

ସଂଭ୍ରମ ପୃଷ୍ଠାର ଉନ୍ମୋଚକ !

ହେ ଶବ୍ଦ,

ତୁମେ ଆସିଗଲେ

ମୋର ମନ ଓ ବିବେକରେ

ଅଦମ୍ୟ ଉଦ୍ ବେଳନ ,

ମୋ' କବିତ୍ୱରେ ତୀବ୍ର ପ୍ରତିକ୍ରିୟା,

ମୋ' ବ୍ୟକ୍ତିତ୍ୱରେ ଘର୍ମ, ଘର୍ମ ଘୃଣା

ବେଲାଳ ସେନ ମାନଙ୍କ ପ୍ରତି ,

ପ୍ରତାରକ ପ୍ରଜାପତି ମାନଙ୍କ ପ୍ରତି,

ଜଘନ୍ୟ ଜହ୍ଲାଦ ମାନଙ୍କ ପ୍ରତି

ହେ ଶବ୍ଦ !

ଆସ, ଆସି ରଚିଯାଅ

ଆଉ ଏକ କୁରୁକ୍ଷେତ୍ର

ଅଥବା,ଆଉ ଏକ କଳିଙ୍ଗ ସମର ।

ଲେଖନୀରେ

ମୋ' ଲେଖନୀରେ 

ଭରିଦିଅ ସୁରକ୍ଷା କବଚ,

ସୁରକ୍ଷିତ,ନିମିଲିତ ଅଥବା 

ଅର୍ଦ୍ଧ ନିମିଲିତ ବିଭତ୍ସ ବର୍ବର,

ବିସ୍ତୃତ ବିବିଧରଙ୍ଗି ,ନ୍ୟସ୍ତସ୍ୱାର୍ଥୀ

ଦକ୍ଷ ପ୍ରଜାପତିଙ୍କ ପାଇଁ ଯଜ୍ଞକୁଣ୍ଡ