Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Others

3  

Prasanna Kumar Madala

Others

ସୁନାବେଶ ଦେଖି

ସୁନାବେଶ ଦେଖି

1 min
198



ହରି ହରିବୋଲ   ଉଚ୍ଚାରଣେ ଭୋଳ

ପାଇ ତୁମ୍ଭ ଦରଶନ

ସୁନାବେଶ ଦେଖି    ଭଣୁଛି ମୁଁ ଲେଖି

ହେବ କି ହେ ପରସନ୍ନ ।

ଲୋକାଚାର କହି    ଗ୍ରୀଷ୍ମ ତାପ ସହି

ଶୀତଜଳେ କରି ସ୍ନାନ

ପଡ଼ିଥିଲ ଜ୍ବରେ     ଅଣସର ଘରେ

ଶ୍ରୀମୁଖ ବି ଥିଲା ମ୍ଳାନ ।

ମହୌଷଧି ଖାଇ     ଉପଶମ ପାଇ

ହୋଇଥିଲ ଚିତାଲାଗି 

ଦେଖିଲି ବି ରଥେ   କିନ୍ତୁ ନିଜ ଅର୍ଥେ

କିଛି ନପାରିଲି ମାଗି ।

ଶ୍ରୀଚରଣେ ମାଥ     ଥାଉ ଜଗନ୍ନାଥ

ଜୟ ଜୟ ଲକ୍ଷ୍ମୀପତି

ପତିତ ତାରଣେ    ସୁଦୟା କାରଣେ

ତୁମ୍ଭେ ତ ବତ୍ସଳ ଅତି ।

ଶଙ୍ଖ ଚକ୍ର ଗଦା   ପଦ୍ମ ଶୋହେ ସଦା

ଶ୍ରୀକରେ ତୁମ୍ଭର ସାଇଁ

ପାରୁନାହିଁ ଇଚ୍ଛି    ତୁମ୍ଭ ଆଗେ କିଛି

ଗୁହାରି କରିବା ପାଇଁ ।

ବୁଝେ କିଏ ସ୍ଥୂଳେ ଲୋମଲୋମ ମୂଳେ

ବିରାଜେ ବ୍ରହ୍ମାଣ୍ଡ ସାରା

ସଂକଳ୍ପର ଫଳେ   ଅନ୍ତରୀକ୍ଷେ ଚଳେ

କୋଟି ସୂର୍ଯ୍ୟଚନ୍ଦ୍ର ତାରା ।

ତବ ଆଜ୍ଞା ପାଇ    ଧରାଧାମେ ଥାଇ

ପଞ୍ଚଭୂତ ଋତୁ ଆଦି

ଏକ ପରେ ଏକ     ନିୟମିତ ଦେଖ

ଯାଉଛନ୍ତି କାର୍ଯ୍ୟ ସାଧି ।

ଯେ ତୁମ୍ଭ ଭଗତ    ଆବୋରି ଜଗତ

ଭଜୁଥାଏ ନିରନ୍ତରେ

ହେ ଅନନ୍ତଶାୟୀ    ପାଦପଦ୍ମେ ଧ୍ୟାୟି

ଘୋର ଶୋକତାପୁ ତରେ ।

ଅରକ୍ଷିତ ଜନ      ପାଇଁ ନିବେଦନ

ମୁଖେ ନାହିଁ ପଛେ ଭାଷା 

ଟେକି କର ବେନି    ଆସିଅଛି ଘେନି

ଜଗତକଲ୍ୟାଣ ଆଶା ।

ନିରପେକ୍ଷ ଭାବେ   କୃପାବାରି ଲାଭେ

ଚରାଚର ବିଶ୍ବ ଚଳେ

ବହି ଯୋଗକ୍ଷେମ   ଦିଅ ଭକ୍ତି ପ୍ରେମ

ନତି କରେ ପାଦ ତଳେ ।



Rate this content
Log in