କାଳିଆ

ମାଗିବି ମାଗିବି ବୋଲି ତୋ ପାଶେ ମୁଁ ଗଲି,

କଳା ମୁହଁ ଦେଖି କରି ସବୁ କିଛି ଭୁଲିଗଲି ।

କହିବାକୁ ଦୁଃଖ ମୋର ଯାଇଥିଲି ତୋ ପୟର,

ଦୁଃଖହରା ତୋତେ ଦେଖି ଭୁଲିଗଲି

ଦୁଃଖ ମୋର ।

କହୁଥିଲେ ସବୁ ଲୋକେ କପଟିଆ ତୁ ସତେ,

କପଟରେ ଭୁଲାଇଲୁ ମୂକ କରିଦେଇ ମୋତେ ।

ଜଗାଦିଆ ଜଗାଦିଆ ଦେବୁନାହିଁ ଦଗା ମୋତେ,

ଯେତେ ଦେଲେ ତୁ ଦଗା ଭୁଲିବିନି କେବେ ତୋତେ ।

କରିଦେବି ତୋତେ ମୋର ତୁ ମୋର ଆପଣାର,

ତୋର ନାମ ଗାଇଗାଇ କଟିଯାଉ ଦିନ ମୋର ।

ଝରୁଥିବ ଅଶ୍ରୁ ମୋର ଜପୁଥିବି ନାମ ତୋର,

କରିବୁନି ଜଗା ମୋତେ କେବେହେଲେ ସାତପର ।

ସୁକାନ୍ତି ହୋତା

ତାଳଚେର