ଛାଡ଼ ଅର୍ଥନୀତି ଛାଡ଼ିଦେଉ ପ୍ରଭୁ
ଛାଡ଼ ଅର୍ଥନୀତି ଛାଡ଼ିଦେଉ ପ୍ରଭୁ
ଛାଡ଼ ଅର୍ଥନୀତି ଛାଡ଼ିଦେଉ ପ୍ରଭୁ
ପର୍ଶୁରାମ ବିଶ୍ୱାଳ
ଗୋଦରା ହେଲାଣି ଆମ ଅର୍ଥନୀତି ଛାଡ଼ ରାଜନୀତି ପାଇଁ
ମାଗଣା ପାଇକି ଭୋଟର ଲାଞ୍ଚୁଆ, କାମରେ ତା ମନ ନାହିଁ
ବୁଝୁନି ଏକଥା ଆମ କେନ୍ଦ୍ର-ରାଜ୍ୟ
ଜାଣିବୁରେ ଭାବଗ୍ରାହୀ ।
ଅଶୀ ହଜାର ସେ କୋଟି ଋଣ ଛାଡ଼ କଲା କେନ୍ଦ୍ର ସରକାର
ପ୍ରାଣଟି କାନ୍ଦୁଚି ବୋଲି ଚାଷୀ ପାଇଁ କମେଇବ ଋଣଭାର
ଇଏ ସବୁ ଖାଲି କୁମ୍ଭୀର କାନ୍ଦଣା
ନାଟକ ଏ ଭୋଟ ପାଇଁ ।
ଛାଡ଼ ମାଗଣାର ଦେବତାଟି ଆମ ଏ ରାଇଜ ସରକାର
ଜନ୍ମଠୁ ମରଣ ରଖିଚି ଯୋଜନା, ଦେଖୁଚୁ କଳାଠାକୁର
ତା ଭିତରେ ଅଛି ସେ କ୍ଷମତାଲୋଭ
ସେ’ଲାଗି ସେ ହାଇଁପାଇଁ ।
କିମିତି କର୍ମଠ ହେବେ ଦେଶବାସୀ, ସେ ଚିନ୍ତା ନାହିଁଟି କା’ର
କି କଲେ ଜାପାନୀ ଜାତିଟା ସାଙ୍ଗରେ ଦେଇପାରିବୁ ଟକ୍କର
ସେ’ପାଇଁ ପଇସା ଖର୍ଚ୍ଚ କଥା ହେଲେ
ରାଜକୋଷେ ଧନ କାହିଁ ?
ଛାଡ଼ ନୀତି ଆଜି ଛାଡ଼ିଦେଉ ପ୍ରଭୁ ଆମ ସବୁ ସରକାର
ଲୋଡ଼ା ଭିତ୍ତିଭୂମି ବିକାଶ ଖରଚ, ଟଙ୍କା ହୁଏ ଦରକାର
କର୍ମ କର୍ମଶାଳା ଲୋଡ଼ା ଏ ଦେଶରେ
ସଚେତନ ବାର୍ତ୍ତା ଦେଇ ।
ଗ୍ରା.-ମିତ୍ରସେନପୁର, ପୋ.ଅ.-ଗମୁଁ
ଭା.-ଇନ୍ଦୁପୁର, ଜି.-ଯାଜପୁର, ପିନ୍-୭୫୪୨୧୪
ଫୋନ୍-୯୮୫୩୭୫୯୭୦୦
*****