ଚିଠି
ଚିଠି
ଦେଇଥିଲ ମତେ ଚିଠିଟିଏ ତୁମେ
ଲେଖିଥିଲ କେତେ କଥା ।
ଆରମ୍ଭ ଯେମିତି କରିଥିଲ ତୁମେ
ପଢି ଘୁରି ଗଲା ମଥା ।
ପାଇ ନ ଥିଲି ମୁଁ କେବେ ବି କାହାଠୁ
ଚିଠିଟିଏ ଏଇଭଳି ।
ଯେଉଁଠାରେ ତୁମେ ଲେଖିଦେଇଥିଲ
ମତେ ଭଲ ପାଏ ବୋଲି ।
ମନେ ମନେ ମୁଁ ଖୁସି ହେଲି ସିନା
ହେଲି ମୁଁ ଆଶ୍ଚର୍ଯ୍ୟ କେତେ ।
ତୁମ ଭଳି ଝିଅ ପ୍ରେମରେ ପଡିବା
ଆଶ୍ଚର୍ଯ୍ୟ ନୁହେଁ କି ସତେ !
ମୋତେ ନ ଦେଖିଲେ କାନ୍ଦୁଥିଲ କେତେ
ବସୁଥିଲ ମୁହଁ ମାରି ।
ଯାଉଥିଲ ଶୁଖି ଦଣ୍ଡେ ନ ଦେଖିଲେ
ସତ କୁହ ତୁମେ ପରି ?
ଚିଠି ଟିଏ ଦେଇ ପଚାରୁଥଲ ଯେ
ସବୁ ଦିନ ମୋ ଖବର ।
କିନ୍ତୁ କେବେ ବି ମୁଁ ଦେଇ ପାରିଲିନି
ତୁମ ଚିଠିର ଉତ୍ତର ।
କେତେ ଥର ମୋତେ ପଚାରିଛ ତୁମେ
ସେହି କଥା ବାରମ୍ବାର ।
ଏ ଯାଏଁ କାହିଁକି ଦେଇ ପାରିନାହିଁ
ତମ ପ୍ରଶ୍ନର ଉତ୍ତର ।
ଦେଖି ଦେଲେ ଟିକେ ଦେଇଥାଏ ହସି
କହି ନାହିଁ କେବେ କିଛି ।
ଭାବୁଅଛି ଆଜି ଦେବି ମୁଁ ଉତ୍ତର
ପଚାରିବ ଯାହା କିଛି ।
ତୁମେ ଦେଇ ଥିବା ସେହି ଚିଠିଟିକୁ
ସାଇତିଛି ଆଜି ଯାଏ ।
ବାରମ୍ବାର ପଢି ନିଜେ ମୁଁ କହୁଛି
ମୁଁ ତୁମକୁ ଭଲ ପାଏ ।
ଦିନ ସରିଗଲା ବରଷ ସରିଲା
ଦେଲି ନି ଉତ୍ତର କେବେ ।
ଭାବୁଅଛି ଆଜି ଦେବି ମୁଁ ପତର
ଡାକ ଘରେ ଯାଇ ଏବେ ।
ମୋ ମନ କଥାକୁ ଲେଖୁ ଲେଖୁ ଆଜି
ଚିଠିରେ ମୁଁ ଦେଲି ଲେଖି ।
ଚିଠି ପଢି ମୋର ନିଶ୍ଚେ ହେବ ଖୁସି
ଓଦା କରିବନି ଆଖି।
**********************
ଶ୍ରୀ ଡମ୍ବରୁଧର ବାଗ, ଚପ୍ରିଆ, ଗୋଲାମୁଣ୍ଡା