ଏଡ଼େ ଛଳିଆ ତୁ ହେଲୁ
ଏଡ଼େ ଛଳିଆ ତୁ ହେଲୁ
ଦୁଇପଦ ତୋତେ ଗାଳିଦେଲି ବୋଲି
ଅଭିମାନ ତୁ କି କଲୁ ,
ସେଥିପାଇଁ ଅବା ଆଡ଼ରୁଷା ହୋଇ
ମୁହଁକୁ ବୁଲେଇ ନେଲୁ ;
ଏଡ଼େ ଛଳିଆ ତୁ ହେଲୁ ...
ତୋ ଦର୍ଶନ ଆଶା-ଆଶାରେ ରହିଲା
ପହୁଡ଼ ପକେଇ ଦେଲୁ ।(ଘୋଷା)
ଭାରି ଆଶାଥିଲା ତୋ ଦର୍ଶନ ପାଇଁ -
ସେଥିଲାଗି ପରା ଆସିଥିଲି ଧାଇଁ ,
ତୋର ଅବିଗୁଣ ଧରିଦେଲି ବୋଲି
ମୋ ସାଥେ କପଟ କଲୁ ।(୧)
ତୋ ଦର୍ଶନ ଆଶା-ଆଶାରେ ରହିଲା
ପହୁଡ଼ ପକେଇ ଦେଲୁ ।
ତୋତେ ବୁଝିବାରେ ହେଳା କଲି ଅବା-
ଊଣା ହୋଇଗଲା ତୋ ପ୍ରତି ମୋ ସେବା ,
ତୋର ମାୟା ସିନା ତୋତେରେ ଗୋଚର
ମୋତେ ତ ବିମୁଖ ହେଲୁ ।(୨)
ତୋ ଦର୍ଶନ ଆଶା-ଆଶାରେ ରହିଲା
ପହୁଡ଼ ପକେଇ ଦେଲୁ ।
ଦୁଇପଦ ତୋତେ ଗାଳିଦେଲି ବୋଲି
ଅଭିମାନ ତୁ କି କଲୁ ,
ସେଥିପାଇଁ ଅବା ଆଡ଼ରୁଷା ହୋଇ
ମୁହଁକୁ ବୁଲେଇ ନେଲୁ ;
ଏଡ଼େ ଛଳିଆ ତୁ ହେଲୁ...
ତୋ ଦର୍ଶନ ଆଶା-ଆଶାରେ ରହିଲା
ପହୁଡ଼ ପକେଇ ଦେଲୁ ।
ବି. ନିରୁପମା
ମାମୁରିଆ, ଛେଣ୍ଡିପଦା,ଅନୁଗୋଳ ।