ପ୍ରେମ ତ ଲାଗୁଛି ବିକା

ଯୁଆଡେ ଯାଉଛି ସେଠି ମୁଁ ଦେଖୁଛି

ପ୍ରେମ ତ ହେଉଛି ବିକା

ଜୀବନର ପ୍ରିୟ ରାତିକୁ କିଏ ସେ

କାହାକୁ ଦେଉଛି ଠିକା ॥

ଦେହ ତ ମାପୁଛି ଦେହର ଭୋକକୁ

ଛାତିରୁ ଖସୁଛି ଶାଢି

ମଉଳା ଫୁଲକୁ ଏତେ ଯେ ଭଅଁର

କୁଆଡୁ ଯାଆନ୍ତି ବେଢି

ଧୋକ୍କା ଖାଇ କିଏ ଆଉ କା'ପ୍ରେମର

ଦୁଆରେ ମାରୁଛି ଧକ୍କା ॥

ପ୍ରେମର ମାଳାରୁ ଗୋଟି ଗୋଟି କରି

କିଏ କେତେ ଫୁଲ ଲୁଟେ

ଦର କଷା କଷି ହାତରୁ ପ୍ରୀତିର

ଗୋଟି ଗୋଟି ଶଙ୍ଖା ତୁଟେ

ରଂଗମଖା ଏ ଛଳନା ଭିତରେ

ଜୀବନ ଲାଗୁଛି ଫିକା ॥

×××