Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Bhakta Malla

Inspirational

3  

Bhakta Malla

Inspirational

ସାନ୍ତ୍ବନା

ସାନ୍ତ୍ବନା

1 min
6.6K



ମୋତେ ଛାଡିଯିବାକୁ ହେବ ମାଟି ଘଟ

ଆଉ କେଉଁ ସୁଖ ସଂଧାନରେ

କେଉଁ ସୁଖ ?

ଏ ଯାଏ ଜିଇ ଆସିଥିବା ଜୀବନ

କାଳେ ଗାଇ ନାହିଁ ସୁଖର ସଂଗୀତ ।

ମୋର ଆୟମାରମ୍ଭ କାଳ

ସଂଭୋଗର ସବୁଜ ସକାଳ

ଅମାଚ୍ଛନ୍ନ ହୋଇଗଲା

ସୂର୍ଯ୍ୟଙ୍କର ପ୍ରଚଣ୍ଡ ଦ୍ୟୁତିରେ

ଦ୍ୟୁତିବାନ୍ ଉତ୍ତାଳ ରଶ୍ମିରେ

ମୋତେ ଫେରିବାକୁ ହେବ

ଗାଇବାକୁ ହେବ ଚର୍ଯ୍ୟାର ସଂଗୀତ

ଅବଶିଷ୍ଟ ଆୟୂଷର କାଳ ।

ଯେଉଁଠି ଶୁଭୁ ନଥିବ

ଶ୍ରୀକୃଷ୍ଣଙ୍କ ପଞ୍ଚଜନ୍ୟ ନାଦ

ବୁଦ୍ଧଙ୍କର " ଶରଣମ୍ ଗଚ୍ଛାମି "

ଦୃଶ୍ୟ ହେଉ ନଥିବ

ଯୀଶୁଙ୍କର ସତ୍ ପଥ

ମହମ୍ମଦଙ୍କର ଶୂନ୍ୟ ମସ୍ଜିଦ ।


ମୋତେ ଭସେଇବାକୁ ହେବ ମୋର ନୌକା

ସୀମାହୀନ ମହାସାଗରରେ

ଭାସିବାକୁ ହେବ ଯେଣେତେଣେ ମନଇଚ୍ଛା

ଗାଇବାକୁ ହେବ ସୁଖଚର୍ଯ୍ୟାର ସଂଗୀତ

ବିନା କାହା ନିର୍ଦ୍ଦେଶରେ

ଆପଣାର ଛନ୍ଦହୀନ ଲୟହୀନ

ରାଗ ଶୂନ୍ୟ ବେସୁରା ରାଗରେ ।

ମାଟିଦ୍ବୀପଟିଏ କେଉଁଠି ଅବଶ୍ୟ ଦୃଶ୍ୟହେବ

ନ ଥିବ ବାଧା, ବଂଧନର ବୈଷୟିକ ବିଭା

ଅବଚେତନରେ ଅଟକିଥିବା

କାଳ କାଳ ଭୋଗି ନଥିବା

ସୁଖଚର୍ଯ୍ୟାର ସଂଗୀତ

ଯେଉଁଠି ଗାଇ ହେଉଥିବ ।



ଭକ୍ତ ଚରଣ ମଲ୍ଲ

ନେମ୍ବରା, କେନ୍ଦ୍ରାପଡା 


Rate this content
Log in