ନିସ୍ତେଜ ଏ ଗଣତନ୍ତ୍ର ଯାହା
ନିସ୍ତେଜ ଏ ଗଣତନ୍ତ୍ର ଯାହା
ଜଗନ୍ନାଥ ଗୌଡ଼
କିଛି ବି ମିଥ୍ୟା ନୁହେଁ ଯେ ବିବର୍ତ୍ତିତ ସମୟ ଚକ୍ରରେ
ଏ ମଣିଷ ସାଧାରଣ ଭାବେ ଚାହିଁଥିଲା ନବ୍ୟ ଭବ୍ୟ ଶାସନର ପନ୍ଥା,
ତେଣୁ ଜଣେ ଗଲାପରେ ପଣମାନେ ଆଦରିଲେ ଏଠି,
ଏ ମାଟିର ଶାସନର ନିଶ୍ଚିନ୍ତ ସମ୍ଭାଳ l
କିଏ ଜାଣିଥିଲା ସେମାନଙ୍କ ଅଭିସନ୍ଧି, ଶକୁନିର ପଶାପାଲି ଖେଳ,
ଯେଉଁଠି ଗଣମାନେ ସମର୍ପିଲେ, ଜଣଙ୍କ ହାତରେ, ଦେଇଦେଲେ
କ୍ଷମତାର ତତଲା ଚାବୁକ, ତେଣୁ ଜଣମାନେ ଏଠି ପାଲଟିଲେ
ଦଳ ମୁଖ୍ୟ, ତଳପତି ସୁପ୍ରିମ୍ କମାଣ୍ଡ l
ଏ ମାଟି ବି ହୋଇଗଲା ଜଣଙ୍କର କରଗତ କ୍ରୀଡାନକ,
ସେମାନେ ନାଚିଲେ ନଚାଇଲେ,ପରିବାର, ବଂଶ ପୁରୁଷ ପୁରୁଷ ଧରି l
ସବୁ କିଛି ସୁଖ ଉଡିଗଲା ପରେ, ବୁଡିଗଲା ପରେ,ଏଠି
ଆମର,ଆମ ପାଇଁ ଓ ଆମଦ୍ଵାର, ଗଣତନ୍ତ୍ର ଗଣଛବି
ନିସ୍ତେଜ ଏ ଗଣତନ୍ତ୍ର ଯାହା l
ଜଣଙ୍କର ମତା ବୁଲ୍ ଡୋଜର ସାଧାରଣମାନେ
ମାଟିରେ ମିଶିବେ- ସୁଭୁନାହିଁ କି,ଭାରତ ଆମର
ସେ କାନ୍ଦଣାର ସ୍ଵର, ବିକଳ ଆର୍ତ୍ତନାଦର କାନ କୁହରରେ
ସେ ଧିକ୍ ଧିକ୍ ନାଦ-ଧନରେ, ଏ କି କଲୁ ଗୁଣମଣି
ଯାହା ପାଇଥିଲୁ ,ଜୀବନର କଷ୍ଟ ଉପାର୍ଜିତ ଧନ
ହାରିଦେଲୁ ଶେଷେ- ମନେରଖ ସେମାନେ ରାମ ନୁହନ୍ତିରେ
ରାମ ନୁହନ୍ତିରେ, ସେମାନେ ରାବଣ, ସେମାନେ ରାବଣ l