ରଜ ମଉଜ

ବନସ୍ତେ ଜାକିଲା ଗଜ

ପଂଜିକା ତିଥିରେ ଆସଇ ରଜ

ଆସଇ ରଜଲୋ ନାହିଁ ନୂଆ ସଜବାଜ ।

ବାଡିରେ ନାହିଁଟି ଗଛ

ରଜଦୋଳି କଥା ହୋଇଲା ପଛ

ହୋଇଲା ପଛଲୋ ଟିଭିରେ ଦେଖାଏ ମିଛ ।

ଗଛ ଯଦି ଅଛି କାହିଁ

ଦୋଳି ଲାଗିବାକୁ ବାଉଁଶ ନାହିଁ

ବାଉଁଶ ନାହିଁଲୋ ତୁନି ହୋଇ ବସ ସାଇଁ ।

ଯଦି ଲାଗିଗଲା ଦୋଳି

ସମରକୋର୍ସରୁ ଛୁଟି ନମିଳି

ଛୁଟି ନମିଳିଲୋ ଝିଅ ଆସୁନାହିଁ ବୁଲି

ଝିଅ ଯଦି ଘରେ ଥିବ

ଜିନ୍ ପିନ୍ଧି କି ପେଂଗା ମାରିବ !

ପେଂଗା ମାରିବଲୋ ଘରକୋଣେ ବସିଥିବ ।

ଝିଅ ବସି ଘରକୋଣେ

ଚାଟିଂଗି କରିବ ଫ୍ରେଏଣ୍ଡ ପଣେ

ଫ୍ରେଏଣ୍ଡ ପଣେଲୋ ବୟଫ୍ରେଣ୍ଡ୍ ମନ କିଣେ ।

ଗୁଆଖୋଳ ଚଟି ଗଲା

ଝିଅ ମୋର ହାଇହିଲି ପିନ୍ଧିଲା

ହାଇହିଲି ପିନ୍ଧିଲାଲୋ ଗୋଡ କଚାଡି ଚାଲିଲା ।

ବାଗୁଡି ଖେଳର ମଜା

ଘରେବସି ମନେ ପକାନ୍ତି ଅଜା

ପକାନ୍ତି ଅଜାଲୋ ବାଜୁନି ଡେଂଗୁରା ବାଜା ।

ପୋଡପିଠା ମନେପଡେ

ମନେପଡି ଖାଲି ହୃଦୟ କୋଡେ

ହୃଦୟ କୋଡେଲୋ ପିଜା ବର୍ଗରକୁ ଲୋଡେ ।

ଖାସିମାଂସ ଝୋଳ ପିଠା

ଲାଜନାହିଁ ମୁହଁ ଏତେ ନିଲଠା

ଏତେ ନିଲଠାଲୋ କେଏଫସି ଚିକେନ୍ ପଠା ।

ରଜପାନ ଗାଁଆରେ ନାହିଁ

ସହରେ ତା ମୂଲ କାହିଁରେ କାହିଁ

କାହିଁରେ କାହିଁଲୋ ମଅଲରେ ଷ୍ଟଲ୍ ଯହିଁ ।

ଏସନ ମୌସୁମୀ ଆସି

ବୁନ୍ଦେ ବୁନ୍ଦେ କାହିଁ ଦିଏ ବରସି

ଦିଏ ବରସିଲୋ ରାଜ ପାଇଁ ପରି ଦିଶି ।

ସବୁଥାଇ ରଜ ନାହିଁ

ସଂସ୍କୃତି ଆମର ଚୁଲିକି ଯାଇ

ଚୁଲିକି ଯାଇଲୋ c ସଭିଏଁ ହୋଇ ।