ପୁସ୍ତକ
ପୁସ୍ତକ
ମଣିଷର ଏକ ନିଆରା ସୃଜନ ଯେ ପୁସ୍ତକ,
ଯାହାର ଜ୍ଞାନ ବିଜ୍ଞାନରୁ ଅଭିବୃଦ୍ଧି ପାଏ ମସ୍ତକ |୧|
ବହି ହେଲେ ସର୍ବଶ୍ରେଷ୍ଠ ବନ୍ଧୁ,
ସମସ୍ତ ପୁସ୍ତକ ହେଲେ ସୂକ୍ତିର ସିନ୍ଧୁ |୨|
ବହି ଯୋଗୁଁ ଆମକୁ ମିଳିଛି ରାମାୟଣ ମହାଭାରତ ପୁରାଣ,
ବହି ଯୋଗୁଁ ଆମକୁ ମିଳିଛି ଗୀତା ଭାଗବତ ଶ୍ରୀ ଲକ୍ଷ୍ମୀପୁରାଣ |୩|
କବି ଗୀତକାର ଲେଖି ଚାଲେ କେତେ ଯେ କାବ୍ୟ,
ବହି ରୂପରେ ଗ୍ରନ୍ଥାଗାରରେ ରହି ସଦା ହୁଅନ୍ତି ନବ୍ୟ |୪|
ନିଜ ନିଜ ମନର କଥା ଜଣେଇବାରେ ପୁସ୍ତକ ହୁଅନ୍ତି ସାହା,
ପଢିଲେ ଜଣା ପଡେ ବ୍ୟକ୍ତିର ଚିନ୍ତାଧାରା ଚାଲିଚଳନର ରାହା |୫|
ଜ୍ଞାନବର୍ଦ୍ଧକ ବହି ବଢାନ୍ତି ମଣିଷର କୁତୂହଳ,
ଯାହା ଯୋଗୁଁ ବଢିଯାଏ ନୂତନ ସର୍ଜନା ଆବିଷ୍କାର ପ୍ରତି କୌତୂହଳ |୬|