ନାରୀ
ନାରୀ
1 min
565
ନାରୀ!
ମହୁ ସାଇତା ମହୁ ଫେଣା
ଚିପୁଡ଼ିଦେଲେ ମହୁପରି ଝରେ
ପ୍ରେମର ଝରଣା|
ମାଟି ତଳେ ଅଙ୍କୁରିତ
ଚାରା ଗଛଟିଏ ପରି
ତା'ଠି ସଞ୍ଚରିତ ହୁଏ
ଜୀବନର ଧାରା,
ଯେମିତି ସେ ଏକ ନଦୀ
ଜୀବନ ଏକ ପ୍ରବାହିତ ଜଳ ଧାରା |
ଆକାଶର ସାମିଆନାରେ
ସେ ଜହ୍ନଟିଏ,ସୂର୍ଯ୍ୟଟିଏ
ମିଞ୍ଜି ମିଞ୍ଜି ତାରାଟିଏ
ଘନ ଅନ୍ଧାରର |
ସେ ରାତିର ପରୀଟିଏ,
ସମର୍ପଣର ଫୁଲଟିଏ
ସଙ୍ଗୀତର ଵୀଣାଟିଏ
ଝିଅଟିଏ,ମା’ଟିଏ
ଭଗିନୀଟିଏ,ସଂଗିନୀଟିଏ
ପ୍ରେମର ଗୋଲାପଟିଏ,
ହସ ଲୁହ,ଯନ୍ତ୍ରଣା ଓ ଆନନ୍ଦରେ
ସମସ୍ତଙ୍କୁ ଆପଣାର କରୁଥିବା
ସେ ଏକ ଦେବିଟିଏ
ପୃଥିବୀ ବେଦୀରେ|
***************
ଡଃ ଶଶୀ ଭୂଷଣ ମହାପାତ୍ର