Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasanna Kumar Madala

Fantasy Others

2  

Prasanna Kumar Madala

Fantasy Others

ସୁନ୍ଦର ମୋ ଗାଆଁ

ସୁନ୍ଦର ମୋ ଗାଆଁ

1 min
6.7K


ସରସୀର କୂଳେ             ଓସ୍ତ ଗଛ ମୂଳେ
ସୁଲୁସୁଲୁ ବହେ ବାଆ
ସଞ୍ଜ ଗଲେ ନଇଁ            ହସି ଉଠେ କଇଁ
ସୁନ୍ଦର ଲାଗେ ମୋ ଗାଆଁ ।
ସରାଗେ ହମ୍ବାଳି              ବତ୍ସାଙ୍କୁ ସମ୍ଭାଳି
ସଦନେ ଫେରେ ଗୋକୁଳ
ସରଗରେ ଜହ୍ନ                ହସେ ଛନଛନ
ସାଥେ ଧରି ତାରା ଫୁଲ ।
ସଙ୍ଗତରେ ଖେଳି        କରି କେତେ କେଳି
ସବୁ ପୁଅଝିଅ ଫେରି
ସମୟରେ ବସି           ଘେନି ଖାତା ମସୀ
ସମୀପେ ପଢନ୍ତି ଘେରି ।
ସାରି ଖିଆପିଆ           ଯେତେ ଦିଆନିଆ
ସକଳେ ଯାଆନ୍ତେ ଶୋଇ
ସକାଳୁ ସହଳ                ଉଠନ୍ତେ ଚହଳ
ସମୂଚୟ ଭାବ ଥୋଇ ।
ସୂରୁଯ ବି ଆସେ            ପୂରୁବ ଆକାଶେ
ସୁଦୂର ଗିରି ବଳୟେ
ସୁକୋମଳ ଖରା            ପଡନ୍ତେ ଏ ଧରା
ସରସ ,ମନ୍ଦ ମଳୟେ ।
ସରହଦେ ଥାଇ             ମାଟି ଗୀତ ଗାଇ
ସୁର ତୋଳେ ବନଗିରି
ସସାଗରା ଧରା            ଭାବ ବାଣ୍ଟେ ପରା
ସନ୍ତୋଷେ ଅନ୍ଧାର ଚିରି ।
ସବୁଜିମା କେତେ          ଭରିଥାଏ କ୍ଷେତେ
ସରଗ ପରି ସେ ଦିଶେ
ସମାନେ ତାହାର           କେ ଅବା ବାହାର
ସମର୍ଥ ହୋଇ କି ମିଶେ !
ସ୍ନାନେ ମନ ତୋଷି       ଭୁଆସୁଣୀ ଯୋଷୀ
ସୋପାନରେ ପାଦ ଘଷେ
ସରୋବରେ ଗଭା           ଫିଟାଇ କି ଅବା
ସଙ୍କୋଚେ ମୁରୁକି ହସେ ।
ସଖୀ ତା ଚତୁରା              ହଳଦୀ ବତୁରା
ସାଇତି ରଖିଛି ଘୋରି
ସିକ୍ତ ବାସ ଖୋଲି        ସାରା ଅଙ୍ଗେ ବୋଳି
ସତେ କି ହୋଇବ ଗୋରୀ ।
ସଲିଳେ କି ଦ୍ରବି              ଚହଲିଲେ ଛବି
ସରମି ଦେଖଇ ଥରେ
ସଳଖି ବଦନ                 ଚାହଁନ୍ତେ ମଦନ
ସ୍ମରଇ ପୀରତି ଭରେ ।
ସଜନୀର ବାଦେ          ସଜଳ ତା'  ପାଦେ
ସହଳେ ଚାଲଇ ଡରେ
ସକ୍ଷ ମତେ କେଶ          ସଜାଡନ୍ତେ ଲେଶ
ସଙ୍କୋଚେ ଫେରଇ ଘରେ ।
ସେହି ପଥେ ବଧୁ             ଆସି ରାତି ଅଧୁ
ସଙ୍ଗୀ ସଙ୍ଗେ କାଟି କାଳ
ସଘନ ପାଗରେ             ସଭିଙ୍କ ଆଗରେ
ସ୍ବେଚ୍ଛାରେ ଢାଳିଛି ଝାଳ ।
ସହରେ ତରୁଣ               ଭାବରେ କରୁଣ
ସଞ୍ଚାରେ ମାଆର ବୁକେ
ସ୍ବାମୀ ପଥ ଚାହିଁ            ଲୁହ ଶୁଖେ ନାହିଁ
ସୁହାଗିନୀ ଥାଏ ଦୁଃଖେ ।
ସହଜେ ସହନ                  କରଇ ବହନ
ସଂସାର ବନ୍ଧନ ମାୟା
ସେଥିପାଇଁ କାଳେ            ଧୂଳିଘର ଟାଳେ
ସମର୍ପି ଶୀତଳ ଛାୟା ।
ସଧବାର ପତି              ବିୟୋଗରେ ଅତି
ସଙ୍କଟେ ଇଚ୍ଛି ମୋଚନ
ସ୍ରବେ ଲୁହ ଧାର            ଏହି ପଥେ ତାର
ସକତ ବେନି ଲୋଚନ ।
ସୀମା ପାରେ ବସି           କେନ୍ଦରାକୁ ଘଷି
ସ୍ବରେ ବାନ୍ଧି ଦୁଃଖ ରାଗ
ସନ୍ୟାସୀ କି ଯୋଗୀ    ଗାଆନ୍ତିରେ ଭୋଗୀ
ସରିବୁ ପଛେ କି ଆଗ ।

ପ୍ରସନ୍ନ କୁମାର ମାଦଳା 


Rate this content
Log in